境

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

境是舊底習慣上其蜀隻城裏共鄉下其基層行政單位，但是伓是正式其單位。蜀間廟，㑚有附近其儂供伊，這供伊其地區號𡅏境。蜀隻境其範圍差不多今旦其蜀隻街道許罔大，福州舊底每蜀隻境𡅏都有供大王爺，伊是管兹隻境其神。

除去單獨其境，故有幾萆廟聯合起來其「聯境」。滿清末期，臺灣其臺南府城、鹽水都有總款其聯境。最開始做嚽目的是聯合起來保護自家。像鹽水，就是以月港護庇宮爲中心形成「五郊七境」，維持鹽水港街其治安。之後，因為臺灣警察共政府系統發展，這聯境保民其意義就無許罔大了。㑚是講這聯境裡勢各隻廟固有來往，敆迎神廟會其辰候會互相幫忙，今旦其聯境就共聯絡感情其組織差不多。

福州其九案泰山蜀隻境就是蜀隻案，問杯其辰候是按案來問其。