搦賊

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

搦賊，是蜀種蜀堆儂齊客佻其遊戲。先揀蜀隻儂做主儂，𩩍朝𡅏大家。長下其做賊。主儂着唸蜀句話，話一般是固定其。賊趁者時候行近主儂。等遘唸完，主儂就回轉頭。長下其儂者時候着仂囝囝定動都無，㑚有儂儥細膩動去，就算輸。若無儂動，主儂就回轉頭，繼續唸許蜀句話，介回轉頭看有無儂動。㑚是講都無儂定動，並且大家離主儂罔來罔近，遘尾斗就會有蜀隻儂拍主儂（譬喻講拍肩頭）。仱主儂就會使逐大家，搦遘底儂算底儂輸。㑚是講所有儂都䟛遘事先講好其「安全區」，無蜀隻乞搦着，就是主儂輸。

故有蜀種講法。𩩍對𡅏大家其是鬼。鬼搦遘底蜀隻，許蜀隻就着換伊做鬼。