林旭

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


林旭

林旭1875年1898年),字暾谷福建侯官(現在其福州)儂。滿清維新派其儂。出身舉人。是康有為其弟子,戊戌六君子梁啟超敆《戊戌政變記》臺中講「其於詩詞、散文皆天授,文如漢魏人;詩如宋人,波瀾老成,瑰奧深秾,流行京師,名動一時」。有留下作品《晚翠軒集》。

生平[Siŭ-gāi | Gāi nguòng-mā]

光绪十九年(1893年)癸巳恩科福建鄉試解元。光緒廿一年(1895年)仈曾有做內閣中書。廿四年(1898年)3月,提倡建立閩學會,共各學會相呼應,推動維新變法。復是保國會倡始董事。同年9月5號,百日維新尾尾其時候,授四品卿銜軍機章京。之後十幾日,稠稠上書言事,野価上諭都是伊寫其。

戊戌變法失敗,林旭乞搦起去,敆菜市口乞刣去,之後共譚嗣同等等齊號𡅏戊戌六君子。伊老媽是沈葆楨其孫女沈鵲應[註 1],野會寫詩詞,林旭死後,服毒自盡(也有儂講伊鬱心𡅏,遘尾死去)。

著作[Siŭ-gāi | Gāi nguòng-mā]

林旭有留下作品《晚翠軒集》。伊敆監獄裡勢有寫絕命詩,感懷身世如下:

青蒲飲泣[註 2]知何報?慷慨難酬國事[註 3]恩;我為君歌千里草[註 4],本初[註 5]健者[註 6]莫輕言!

林旭墓[Siŭ-gāi | Gāi nguòng-mā]

林旭死後,義僕朱德貴將伊遺體送轉福州,停厝金雞山地藏寺。光緒二十六年(1900年),林旭其老媽沈鵲應也死去。第二年沈瑜慶轉遘福州起生壙,也就是在生其墓,固敆墓左邊埋林旭老公媽。林旭墓聯:「千秋晚翠孤忠草;一卷崦樓絕命詞。」

1965年,吳家瓊寫報告,敆北門外貓頭山懸頂發現林旭墓,王鐵藩固去伊厝看囇到底是傒勢[1]

尾註[Siŭ-gāi | Gāi nguòng-mā]

  1. 曾祖母為林則徐之女林普晴。福建舉子姓林其野価,《了凡四訓》講有蜀隻依姆樂善好施,其後子弟興旺,有「無林不開榜」之說。
  2. 青蒲飲泣,使漢朝史丹其典故。竟寧元年(前33年),漢元帝病野重,拍算廢唻太子,改立定陶王。史丹「直入臥內,頓首伏青蒲上,梯泣固諫」,「太子得不易」。也有版本寫「青袍飲泣」。
  3. 國事,也有版本寫「國士」。
  4. 千里草,指東漢末年董卓。遐辰候時有民謠講「千里草,何青青,十日卜,不得生」,暗指董卓。
  5. 本初,本初是東漢末年軍閥袁紹其字,暗喻袁世凱
  6. 健者,漢末董卓專政,董卓拍算廢唻漢少帝,袁紹講儥使,董卓講:「天下之事,豈不在我,我欲為之,誰敢不從?」袁紹應講:「天下健者,豈唯董公。」

參考文獻[Siŭ-gāi | Gāi nguòng-mā]

  1. 王鐵藩年譜. 

模板:戊戌六君子