橋南公益社
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
歷史[Siŭ-gāi | Gāi nguòng-mā]
1902年，鄭祖蔭敆福州組織「益聞社」，設閱報所宣傳革命。1905年，鄭祖蔭拍算共福建學生聯合會聯誼共濟，乞政府搜查，暫時走遘外地囥起去。下兩日復轉福州成立「公益社」。1908年，公益社名字改做「橋南公益社」，乞清政府承認、備案。[1]
橋南公益社表面做勸葬、戒煙、施醫、救火等等公益事業，故偷偷喏組織、宣傳革命。只萆社寢寢成立其時候，先設着倉前山馮巷鋪（今巷下路）其古榕書院。尾首社員變価，就移遘梅塢路其蜀落厝裡勢。只落厝對外號𡅏「丙午俱樂部」，實際是中國同盟會福建支部總機關。
橋南公益社設了體育會，組織英華、福音、培元等等書院其青年學生，參加軍事操練。
1911年11月9號，福州光復之役臺中，橋南公益社會員共青年學生組成其洋銃隊、炸彈隊，成為反清其生力軍。勝利之後，橋南公益社解散。