獨立廳

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

獨立廳，是福州倉山其蜀隻建築，橋南公益社舊址。

歷史

1906年，中國同盟會福建支會敆嚽所成立。遐前後只落厝對外號𡅏「丙午俱樂部」。

1912年4月19號下晝，孫中山等等儂搭泰順輪裡港。接下就遘只落厝，共參加辛亥革命其儂攀講，接見黃花崗烈士其遺族，共福建同盟會會員齊䀹相，題字「獨立廳」。嚽也是孫中山唯一蜀回遘福建。

中華人民共和國成立之後，嚽所乞蜀隻中醫眼科醫院使。

1983年，獨立廳列裡為福州市文物保護單位。2011年，獨立廳共邊兜福州市優秀近現代建築匯豐銀行福州分行舊址齊修復，乞倉山區文化館使。