澤野弘之

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

澤野弘之（1980年 9月12號 –  ），日本儂，男界，作曲家。東京都出世。伊主要乞電視劇、動畫、電影作曲編曲，也乞野価隻藝人寫歌。伊其代表作，包括動畫《機動戰士GUNDAM UC》、《罪惡王冠》、《進擊其巨人》、《KILL la KILL》、《ALDNOAH.ZERO》、《青之驅魔師》、《終結其熾天使》、《七大罪》、《甲鐵城其卡巴內里》、《東離劍遊紀》、《Re:CREATORS》其配樂，固有電視劇《医龍-Team Medical Dragon-》其系列配樂，等等。伊屬於VV-ALKLINE事務所。

經歷

澤野做細起就學彈鋼琴。17歲開始，師從坪井伸親，學習作曲，固有管弦交響樂編曲。

伊初期其作品，大部分是乞影視作品調節氛圍使其音樂。總款其音樂，大部分是起頭伊向各大音樂公司發自家作品其時候宿下來其樣曲，也有野価讀書時候做其音樂。民放電視臺2006年播放了電視連視劇《护士小葵》，澤野乞伊配了音樂。伊頭蜀張專輯，就是《护士小葵》其音樂合集。許蜀年，民放復放了電視劇《医龍》，是講醫療其，也讓澤野配了音樂。嚽也是澤野成藝之後頭蜀芘出名其作品。