㷄

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

㷄

㷄（huōi，也有儂寫做𤈦、燬），也號𡅏火（huō），是物質燃燒過程臺中發生其強烈氧化反應，固加伊其能量會以光共熱其形式放出，固會產生嘢価其生成物。慢慢其氧化反應，譬如講生津或者消化，無敆懸頂其定義臺中。

㷄其可見部分叫作焰，會使跟𡅏粒子其振動有𣍐蜀樣其形狀，敆溫度有夠懸辰候會使以等離子體（第四態，類似氣體）其形式出現。因為燃燒其乇共純度𣍐蜀樣，故以燬焰其顏色共亮度也可能𣍐蜀樣。

㷄必須有可燃物、有夠懸其熱或溫度、氧化劑共化學物四項並存才會生㷄，少蜀萆都𣍐使。根據質量守恆定律，㷄𣍐讓燃燒物其原子消失，儷是通過化學反應轉變了燃燒物其分子型態。㷄失去控其辰候，一般叫做失㷄或㷄燒厝。

㷄是影響全球生態系統其重要因素之一，㷄其正面影響會使維持各種生態系統，固會使刺激成長。人使㷄來煮乇、生熱、產生信號、照明共推進等。㷄其負面影響包括水體污染、土壤流失、空氣污染共對生命財產其危害。固有，造成全球溫度昇高其溫室效應，伊其原因之一就是趁燒化石燃料產生其二氧化碳。

維基共享裡勢有共㷄有干過其內容。