真耶穌教會
"真耶穌教會" 是蜀篇漢字其文章，卜覷平話字版本"Cĭng Ià-sŭ Gáu-huôi"，篤嚽塊。
真耶穌教會是耶穌教五旬節教派其蜀支教會，1917年敆中國北京由張靈生設立. 茲隻教會其目標是改正各教派對聖經解釋有綻其地方，將拯救眾民其福音傳遘全世界. 現下时主要分布著中國大陸、台灣、香港、福州共新加坡。真耶穌教會包括二十世紀初由美國傳底其安息日會，信心會，神召會等教派其蜀批教義。伊各儂亦強調信獨一真神，反對三位一體；倚靠逐鬼禱告治病，賣使延醫食藥。做禮拜辰候，信徒著跪著地兜同聲祈禱，或者唱靈歌，跳靈舞。
十大要理
[Siŭ-gāi | Gāi nguòng-mā]- 信耶穌: 相信耶穌是道成肉身，為𡅏拯救罪人故此代死敆十字架上，第叁日復活、升天; 伊是人類唯一其救主，天地其主宰，獨一其真神。
- 信聖經: 信新約聖經共舊約聖經是神默示其，為𡅏證明真道唯一其根據，共信徒生活其準則。
- 信得救昇天: 信得救是本乎恩，也因𡅏信。但是著依靠聖靈追求聖潔、實踐經訓，敬神愛人。
- 信浸洗: 信水浸是赦罪重生其聖禮。浸禮著敆自然其活水裡做，比如講：河、海或者是泉源。施浸其，著接受大水其洗禮共領受聖靈，奉主耶穌基督聖名共人施洗。受洗其著低頭，面向下，全身底水。
- 信聖靈: 信受聖靈是得天國基業其憑據，固加使講方言當作受聖靈其明證。
- 信洗骹禮: 信洗骹禮是共主有分，加上教訓相愛、聖潔、謙卑、服事、饒恕其典禮。對每蜀隻受浸其，著奉主耶穌聖名乞洗骹蜀回，講遘互相洗骹，必要時候也會使做蜀做。
- 信聖餐: 信聖餐為𡅏紀念主死，同領主肉、主血，共主聯合，會得永生，敆末日復活其典禮。著野稠舉行，但必須使蜀萆無酵餅共葡萄汁來舉辦。
- 信安息日: 信安息日（拜六）是神賜福其日子。但是敆恩典下底紀念創造共救贖其恩德，固有盼望來世永遠安息共遵守。
- 信審判: 信主耶穌著敆世界末日，趁天降臨，審判萬民；義人得永生，惡人受永刑。
- 信教會: 信本會是耶穌基督藉冥雨聖靈設立其，是複興使徒時代其真教會。