秫米

"秫米" 是蜀篇漢字其文章，卜覷平話字版本"Sŭk-mī"，篤嚽塊。

秫米，普通話號𡅏糯米，北方野価地方號𡅏江米，是稻其粘性變種，敆秈稻共粳稻品種臺中都有秫米其變種。秫米是製造粘性小吃其主要原料，比如講粽、八寶粥、甜品等等。

秫米其營養價值

秫米有蛋白質、脂肪、糖類（以澱粉為主）、鈣、磷、鐵、維生素B1、維生素B2，固有煙酸等等，營養豐富，共山藥熬粥，會強健脾胃；加蓮子齊熬，會可溫中止瀉；食欲𣍐振的，會使將秫米共豬肚齊煮來食，方法是共秫米泡半點鐘以後，貯遘豬肚𡅏，炖熟以後食肉啜汁汁，底裏貯其秫米掏出晾燋，分幾回食。秫米含鈣価，有補骨健齒其作用。會使將黑秫米泡以後貯布袋𡅏，使線紮緊，仱共豬骨等等齊廮𡅏炖，熟以後啜汁汁，再共袋袋底裏其秫米掏出其，分幾回煮粥食，故有養胃其作用。