經濟學人
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
《經濟學人》（英語：The Economist）是蜀份英國其英文新聞週報，編輯部敆倫敦，分8芘版本向全球發行。伊敆1843年9月由苏格兰經濟學家共企業家詹姆士·威爾遜創辦。敆創辦之初，《經濟學人》以報紙版式發行。雖然今旦伊採用雜誌形式發行，但是伊固是稱自家爲報紙。
雖然名字號𡅏「經濟學人」，《經濟學人》其實是蜀份討論全球政治、經濟、文化、科技其綜合性新聞評論刊物。伊其立場是古典自由主義共經濟自由主義，支持自由貿易、全球化、人口自由流動、社會自由主義等等，譬如講，支持同性婚姻共毒品合法化，支持銃其管制，反對死刑。