艦隊收藏

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

《艦隊Collection -艦Colle-》（艦隊これくしょん -艦これ-），一般號𡅏「艦隊收藏」，是由角川遊戲開發、DMM.com提供共營運其網頁遊戲。簡稱《艦Colle》（艦これ），DMM表記《艦隊これくしょん 〜艦これ〜》。這遊戲其題材是第二次世界大戰時期其日本帝國軍艦。遊戲臺中，玩家需要收集號「艦娘」其軍艦萌擬人化角色卡片，強化共改造艦娘，同時敆戰鬥臺中拍倒敵人。使PC瀏覽器運行其網頁遊戲，營運半年用戶就突破100萬。

有音乐CD、Drama CD、四格漫畫、動畫、小說等衍生作品。茲蜀萆遊戲因為遊戲畫面共對話設計別具特色、對史實其再解釋，成為同人創作共同人作品其熱門素材。

遊戲内容

玩家（遊戲裡勢艦娘各儂會將玩家叫做「提督」或者「司令」）通過收集航空母艦、戰艦、巡洋艦等𣍐蜀樣類型其萌擬人化軍艦卡片「艦娘」，故編制野価艦隊共敵人戰鬥來獲得勝利。每蜀位艦娘其插畫共人物設定都將軍艦其外型共特徵當做藍本。戰鬥其時候使其數值，對應茲隻艦敆歷史懸頂每蜀回海戰裡勢發生其事件共其他要素，簡單表現出來。艦娘所裝備其主砲等兵器，也是真實存在其兵裝能力數值化後其產物，所以者遊戲雖然講是卡片遊戲，但同時也是模擬海戰其戰爭遊戲。

玩家會進行其指令，分為出擊、編成（編制）、補給、改裝、入渠、工廠6種。敆遊戲開始時，會得遘蜀位艦娘共蜀批資源。增加艦娘數目其方式，除自家建造（「工廠」裏勢其蜀萆指令）外，也會敆拍倒敵人之後揢起伊落下其艦娘。艦娘其育成，是敆出擊後通過增加等級來強化。艦娘可以掏來編制野霸其艦隊。艦娘其建造共修理，定著使其物資是燃料、彈藥、鋼材、鋁土礦茲4種參數。茲批物資會隨時間經過自動增加。玩家也會通過遠征（「出擊」裡勢其蜀萆指令）來增加所擁有其物資。

玩家乞指派做任務（探索）後，滿足完成任務其條件時，會獲得種種物資做獎賞，也有可能取得野本事其艦娘，或者增加1個可以擁有其艦隊等。

艦娘自家有耐久度。有仂囝損毀其時候，會敆伊圖標懸頂噴出烏黜黜其煙。敆中度損毀或更嚴重其狀態，伊插畫就會有變化。耐久度沰遘0其時候，就判定為「擊沉」。茲隻艦娘對殘存其艦隊留下遺言後，就會消失（損失）。伊之前頌其裝備也會變無。乞擊沈其艦娘無能耐復活，僅會通過復蜀回訓練同蜀種艦船來替代。但若是有安置損害管制道具，就會敆茲隻艦娘留下遺言之後發動，會暫時性迴避蜀回擊沈所帶來其損失，故讓艦娘總血量恢復四分之一（小數點直接捨去），損害管制道具有分基本共高級兩種。高級損管道具作用共基本損管道具相同。但𣍐蜀樣其是，高級其會使該艦娘其耐久度、燃料共彈藥全滿，損管道具都是一次性道具，發動之後會消失。損害管制道具會著部分任務或者活動臺中獲得，也會花現金買。

敵方艦隊號𡅏「深海棲艦」，是使軍艦共輸送艦等所構成，但是實質不明其蜀群魔頭。雖然大多數魔頭其形狀共生物𣍐蜀樣，但是戰艦共航空母艦等強力其敵人會變成女界其形態。敆期間限定其特別活動（期間限定活動其背景藍圖大多數是參照歷史臺中日本帝國參加過其海戰其史實）共部分高難度其場景臺中登場其「深海棲艦」，會有共「鬼」「姬」「浮遊要塞」等一般艦種有別其特殊其名稱。茲蜀批乞賦予特殊名稱其深海棲艦也大多數參照美軍或同盟國其軍事或戰略基地（如威克島共中途島）、港口（如達爾文港）、機場（如馬爾地夫甘島國際機場），或是同盟國各國其戰艦共航空母艦來設計，也有部分活動其深海棲艦形象參照史實臺中敆某作戰乞擊沉其日本帝國海軍軍艦（例如敆馬里亞納海戰乞擊沉其翔鶴號航空母艦共大鳳號航空母艦），伊登場其場景亦共通常其敵人𣍐蜀樣。

敆作品裏勢使用其樂曲《夜戰其曲（夜戦の曲）》，由隸屬敆DMM.com其製作人岡宮道生作曲。

艦娘

茲蜀萆遊戲頭蜀回公開其時候，登場艦娘共總有94艘，另外加上改造後11艘變化版後，共總有105艘。同時故有新艦娘共新改造艦娘陸續增加。遘了2015年2月，達遘151艘（以上都無包含改造後其變更）。

遘2013年9月，雖然登場其船艦大部分都隸屬日本海軍，但是以前亦講過會加裏日本以外海軍艦艇其擬人化艦娘。敆9月11日其新加裏其「Верный（俄文意為忠誠、會信賴其）」號就成為了頭蜀艘日本以外其海軍艦艇」（但是「Верный」號是趁日本驅逐艦「響」修改而成，伓是乍開始就由外國製造其海外艦艇）。

2014年3月14日，真正意義其外國艦開始加裏，首先實裝其是德國艦艇，1934年級驅逐艦Z1、Z3共俾斯麥級戰艦一號艦俾斯麥（德語：Bismarck），之後復敆其他其限定活動分別加裏了希佩爾海軍上級巡洋艦（德語：Admiral Hipper）三號艦歐根親王號重巡洋艦（德語：Schwere Kreuzer Prinz Eugen）、IXC級潛艇U-511（加裏日本海軍後改稱呂號第五百潛水艦）共齊柏林伯爵級航空母艦（德語：Graf Zeppelin）蜀號艦齊柏林伯爵號航空母艦（德語：Flugzeugträger A）。

2015年4月27日開始其2015春季限定活動，加裏意大利海軍維托里奧•維內托級戰艦利托里奧(Littorio)/意大利(Italia)共羅馬號(Roma)。同年8月10日其夏季限定活動第二次SN作戰後，加裏西北風級驅逐艦西南風號。

2016年2月10日其冬季限定活動臺中，加裏扎拉级重巡洋艦扎拉號。同年5月3日其春季限定活動臺中，加裏扎拉號其姊妹艦波拉號。8月12日其夏季限定活動第二次馬來亞海戰後，加裏天鷹號航空母艦，讓軸心國海軍都已有艦艇登場。此外，2016年2月發售其掌上型遊樂器PlayStation Vita平台系列遊戲「艦これ 改」加裏了美國海軍其愛荷華號戰艦，成為了本作頭蜀艘同盟國側艦娘。故共2016年春季活動同時，作為第七张（最后蜀张）作战地圖過關獎勵，加遘PC平臺其「艦これ 」臺中。之後，敆8月12日其夏季限定活動第二次馬來亞海戰其第四張（最後蜀張）地圖，加裏了英國皇家海軍其伊莉莎白女王級戰艦厭戰號。11月19日其秋季限定活動中其第三張地圖，加裏了法國海軍其特斯特司令官號水上機母艦，故敆第五張地圖（最後蜀張）加裏了美國海軍列星頓級航空母艦其薩拉托加號航空母艦，為第蜀艘同盟國側其航空母艦。

2017年5月2日其春季限定活動其最後蜀張地圖，加裏了蘇聯海軍其甘古特級甘古特號戰艦，是本作裡勢真正意義其頭蜀艘蘇聯艦艇。2017年8月10日其夏季限定活動其第四張地圖裡勢，加裏了法國海軍其黎賽留級戰艦黎賽留號，第六張地圖加裏了義大利海軍其Luigi Torelli號潛水艇，故敆第七張地圖加裏英國海軍其皇家方舟號航空母艦。

2018年2月27日其冬季限定活動裡勢，敆第四張地圖加裏了美國海軍卡萨布兰卡级甘比尔湾號護衛航母，共英國皇家海軍J级驅逐艦傑維斯號。第六張地圖裡勢加裏蘇聯海軍塔什干級塔什干號驅逐艦。第七張(最後蜀張)地圖中加裏了美國海軍艾塞克斯級航空母艦无畏號。

2018年4月23日其五周年限定任務完成後，會加裏美國海軍其巴特勒级護衛驅逐艦塞缪尔•罗伯茨號。

登場其艦娘各有自家其專用臺詞，故讓聲優錄成語音，部分艦娘故有整點報時其語音。重大節日（聖誕節、新曆新年等日本傳統節日）、或者是牽涉遘史實其活動時亦會有期間限定其語音。聲優最価蜀隻儂分飾約10艘艦娘。遘2014年11月尾，已登場艦娘配音聲優名單刊載敆官方解說書《艦隊これくしょん -艦これ- 提督@報告書》。

艦種	艦型	艦名	備考
戰艦	金剛型	金剛、比叡、榛名、霧島	高速戰艦。
	扶桑型	扶桑、山城	依據改造，艦種變更為航空戰艦。
	伊勢型	伊勢、日向
	長門型	長門、陸奥
	大和型	大和、武蔵
	俾斯麥級	俾斯麥	★ 德國海軍。高速戰艦。
	维托里奥•维内托級	利托里奧／義大利、羅馬	★ 義大利皇家海軍。高速戰艦。利托里奧依據改造後，艦名變更為義大利。
	愛荷華級	愛荷華	★ 美國海軍。高速戰艦。
	伊麗莎伯女王級	厭戰	★ 英國海軍。
	甘古特级	甘古特/十月革命	★ 蘇聯海軍。經過改造，艦名改為十月革命。二次改造後，艦名復改成原名。雖然是低速艦，但是敆遊戲裡勢故歸類遘巡洋戰艦。
	黎賽留級	黎塞留	★ 法國海軍，高速戰艦。
航空母艦		赤城
		加賀
		蒼龍
		飛龍
	翔鶴型	翔鶴、瑞鶴	依據改造，會隨意變更艦種，成為裝甲航空母艦，反之亦然。
	雲龍型	雲龍、天城、葛城
	齊柏林伯爵級	齊柏林伯爵	★ 德國海軍。遊戲臺中頭蜀隻會敆暝晡攻擊其玩家方航空母艦，但是𣍐使艦載機，是使砲擊。
	天鷹級	天鷹	★ 義大利海軍。
	列星頓級	薩拉托加	★ 美國海軍。會敆暝晡攻擊其玩家方航空母艦，改造後會失去茲蜀萆能力。第二次改造後雖然故是正規航母，但是官方定位為「夜戰用航空母艦」，成為玩家方頭蜀隻正式其會敆暝晡行動其航空母艦（艦載機定著搭配夜間戰鬥機/夜間攻擊機）。二次改造後，會再進蜀步，改造為裝甲航母（𣍐夜戰），故會自由切換
		皇家方舟	★ 英國海軍。符合特定條件時會著暝晡使艦載機攻擊，敆薩拉托加開放二次改造前，是頭蜀隻會敆暝晡使用艦載機其玩家方航空母艦（艦載機須搭配劍魚攻擊機）。
	埃塞克斯級	無畏	★ 美國海軍。
裝甲航空母艦		大鳳
輕型航空母艦	鳳翔型	鳳翔
	龍驤型	龍驤
	龍鳳型	龍鳳	依據改造，由潛水母艦大鯨變更艦種共艦名形成。
	千歲型	千歳、千代田	依據改造，艦種由水上機母艦變更而成。
	祥鳳型	祥鳳、瑞鳳
	飛鷹型	飛鷹、隼鷹
	大鷹型	春日丸→大鷹	★經改造，艦名由春日丸改為大鷹。官方定位為「護衛型航空母艦」，有野霸其反潛能力。經過幾回改造後，也有敆暝晡攻擊其能力。
	卡萨布兰卡级	甘比尔湾	★美国海军护航航空母艦，敆游戏裡勢归类为轻型航空母舰。
水上機母艦	千歲型	千歲、千代田	依據改造，艦種變更為輕型航空母艦。
	瑞穗型	瑞穗
	秋津洲型	秋津洲	史實懸頂是大型飛行艇母艦，但遊戲臺中仍歸類為水上機母艦。
	塔斯特司令級	塔斯特司令	★ 法國海軍。
潛水母艦	大鯨型	大鯨	依據改造，艦種共艦名變更為輕型航空母艦龍鳳。
重巡洋艦	古鷹型	古鷹、加古
	青葉型	青葉、衣笠
	妙高型	妙高、那智、足柄、羽黒
	高雄型	高雄、愛宕、摩耶、鳥海
	最上型	最上、三隈、鈴谷、熊野	依據改造，艦種變更為航空巡洋艦。其中鈴谷、熊野二艦會再改造做攻擊用輕型航空母艦，故會自由切換。遊戲裡勢茲兩萆艦會優先攻擊水面艦，伓是潛水艦。
	利根型	利根、筑摩
	希佩爾海軍上將級	歐根親王	★ 德國海軍。
	扎拉級	扎拉、波拉	★ 義大利海軍。
輕巡洋艦	天龍型	天龍、龍田
	球磨型	球磨、多摩、北上、大井、木曾	北上、大井、木曾依據改造，艦種變更為重雷裝巡洋艦。
	長良型	長良、五十鈴、名取、由良、鬼怒、阿武隈
	川内型	川内、神通、那珂
	夕張型	夕張
	阿賀野型	阿賀野、能代、矢矧、酒匂
	大淀型	大淀	角色同時也作為母港人員「任務娘」出場。
練習巡洋艦	香取型	香取、鹿島	★
驅逐舰	神風型	神風、朝風、春風、松風、模板:Tsl	★
	睦月型	睦月、如月、彌生、卯月、皋月、水無月、文月、長月、菊月、三日月、望月	★
	吹雪型	吹雪、白雪、初雪、深雪、叢雲、磯波、浦波	★
	綾波型	綾波、敷波、狭雾、天雾、朧、曙、漣、潮	★
	曉型	曉、響／Верный、雷、電	響依據改造，艦名變更為蘇聯海軍其Верный。
	初春型	初春、子日、若葉、初霜	★
	白露型	白露、時雨、村雨、夕立、春雨、五月雨、海風、江風、山風、涼風	★
	朝潮型	朝潮、大潮、満潮、荒潮、朝雲、山雲、霰、霞	★
	陽炎型	陽炎、不知火、黒潮、親潮、初風、雪風、天津風、時津風、浦風、磯風、浜風、谷風、野分、嵐、萩風、舞風、秋雲	★
	夕雲型	夕雲、卷雲、風雲、長波、高波、藤波、滨波、沖波、朝霜、早霜、清霜	★
	秋月型	秋月、照月、凉月、初月	★
	島風型	島風
	Z1型	Z1、Z3	★ 德國海軍。
	西北風級	西南風	★ 義大利海軍。
	J级	杰维斯	★ 英国海軍。
	塔什干级	塔什干	★ 苏联海軍。
	巴特勒级	塞缪尔•罗伯茨	★ 美国海軍。
海防艦	占守型	占守、國後	★
	擇捉型	擇捉、松轮、佐渡、对马、福江	★
	日振型	日振、大东	★
潛艦	海大VI型	伊168	★
	巡潜3型	伊8	★ 依據改造，艦種變更潛水航空母艦。
	巡潛乙型	伊19、伊26	★ 依據改造，艦種變更潛水航空母艦。
	巡潛乙型改二	伊58	★依據改造，艦種變更潛水航空母艦。
	U艇IXC型／呂號	U-511／呂500	★依據改造，艦名由德國海軍其U-511變更為日本海軍其呂500。
	古列爾莫•馬會尼級潛艇	Luigi Torelli／UIT-25／伊504	★依據改造，艦名由義大利海軍其Luigi Torelli變更為纳粹德国海军其UIT-25，復變更為日本海軍其伊504，為少數曾經敆三萆軸心國海軍服役艦艇。
	三式潛航輸送艇	まるゆ	日本陸軍。
潛水航空母艦	潛特型（伊400型）	伊400、伊401	★
	巡潛甲型改2	伊13、伊14	★敆史實，伊13共伊14不論下水，完工日期都不同，但是敆遊戲中兩人乞官方設定為雙胞胎
工作艦	明石型	工作艦明石	角色同時也作為母港其儂「道具屋娘」出場。
補給艦	改風早型	速吸
	神威型	神威	經改造後艦種變更為水上機母艦。 第二次改造後艦種變更為補給艦。
食品補給艦	（無記載）	間宮、伊良湖	作為道具。
登陸艦	特種船丙型	秋津丸（あきつ丸）	★日本陸軍。

外斗鏈接

• 艦隊Collection -艦Colle- KADOKAWA GAMES
  • 艦隊Collection 〜艦Colle〜 DMM.com
• 《艦Colle》Fami通Comic clear
• 艦隊Collection AC