躍進河

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

躍進河，敆福州市倉山區，是蜀條內河。共總長6公里。闊16米左右。

歷史

2008年，躍進河開始整治。整治其儂攖裡野価微生物，總款除去淤泥。故敆河懸頂攖生物浮床共沉水植物。讓微生物共植物吸收、分解、消化營養共儥澈潔其乇，總款修復生態。有其位處——像連江南路許邊——故做了大理石其欄杆，河邊栽了柳𣗬。

㑚是講有其河段，卜拆河邊其厝，遘尾拆了野価年，故此事計𣹇𡅏無辦法做。遘2015年尾，故有則徐大道共浦下村閩江口許所河故未通。野価地方發滿水葫蘆，下底野価風蚊，水都烏去。

2019年秋天，躍進河敆福建船政交通職業學院許邊其支流做好。只條河正好頭尾儥蜀樣懸，故此臺中做了嫩嫩其漈頭。河邊故做迎賓廣場、兒童樂園、休閑娛樂廣場、香花廣場、臺地園、駁岸技术展示區、船政文化廣場。河臺中有島看風景。