跳至內容

福州市

茲篇文章質量霧裡去。卜想瞭解固価,起動汝點嚽塊。
聆聽這篇條目
Chók-cê̤ṳ Wikipedia

"福州市" 是蜀篇漢字其文章,卜覷平話字版本"Hók-ciŭ",篤嚽塊
福州市
別稱 榕城、三山
面積 11,968 km²
人口 六百萬
人均GDP ¥31,582
民族 漢族滿族畲族回族
語言 閩東語福州話普通話
市樹 榕樹
市花 茉莉花
市果 福橘

福州關於只芘音頻文件 Hók-ciŭ,復號榕城三山左海閩都,簡稱,是中國福建省其省會,敆福建省東部其閩江下游共沿海地區,現在有6萆、1萆縣級市、6萆,全市常住總人口有720萬,其中市區常住人口296.3萬。當地居民以漢族其福州族群為主,母語是閩東語福州話。福州敆公元前202年建城,遘今旦有2200幾年,是中國其歷史文化名城,歷史懸頂長期作為福建其政治中心,是中國東南沿海重要其貿易港口共海上絲綢之路其門戶,同時復是重要其文化中心,趁宋朝開始,文化教育就野發達,是產生進士狀元、兩院院士第一価其城市臺中其蜀萆。敆近現代史上,福州是中國第一早開放通商其五萆城市之一,固是中國近代海軍其搖籃,也是中國工業、科技發源地之一。嚽塊其習俗、文化、傳統藝術、建築形式都自成風格,有野強烈其地區特徵。福州故是300幾萬海外華人其祖籍地,是福建第一大其僑鄉。

行政單位[Siŭ-gāi | Gāi nguòng-mā]

福州行政單位地圖
福州市區地圖

名稱[Siŭ-gāi | Gāi nguòng-mā]

名稱來源[Siŭ-gāi | Gāi nguòng-mā]

「福州」其名字趁開元十三年(725年)起就有了,因為州郡西北有福山其原因,故此共原底其閩州都督府改成福州都督府。[1][2]但是茲唐朝其福山其具體位置敆其地方,遘现在固𡅏無定論。清朝乾隆年間刻印其《福州府志》指出長樂其董奉山舊底叫做福山,[3]但是因為董奉山其位置伓是敆福州城其西北,故此有侬見覺講福山是福州西北其蓮花山(復叫做永福山[4][5],固有見覺講福山可能是福州西郊其保福山。[6]

名稱變遷[Siŭ-gāi | Gāi nguòng-mā]

歷史上,特別是敆宋朝以前,福州其名字有過野価回變更。福州最早是公元前202年建立其閩越國其都城,復叫做東冶西漢始元二年(公元前85年),設冶縣東漢建安元年(196年),冶縣改名侯官縣

西晉太康三年(282年),設晉安郡,同時析侯官縣其東部地置原豐縣為郡治。 永定元年(557年)設閩州,是福建單獨建州其開始,侯官縣共原豐縣都是州治。陳天嘉六年(565年),撤閩州,光大二年(568年),復設原閩州豐州 ,侯官共原豐固是州治所。

開皇九年(589年),因為豐州境內有泉山,改名泉州,敆隋開皇十二年(592年),原豐縣改名閩縣。隋大業二年(606年),泉州改名閩州,大業三年,廢閩州,改名建安郡,郡治敆閩縣。

武德元年(618年),共建安郡改名建州,州治敆閩縣。武德六年,建州析部分地置泉州(就是今旦其福州),州治敆閩縣。武德八年(625年),改名豐州,置豐州都督府。 貞觀​​元年(627年),豐州改名泉州,屬嶺南道景雲二年(711年),共泉州(就是今旦其福州)改叫閩州都督府,開元十三年(725年),閩州都督府因為州西北有福山,改名福州都督府,屬江南東道,福州其名字趁嚽塊開始。 天寶元年(742年),改名長樂郡乾元元年(758年),復叫做福州都督府。以後,後唐長興四年(933年),閩國國王王延鈞(王鏻)稱帝,共福州升為長樂府。 945年,閩王王延政曾共福州做為東都。

南宋景炎元年(1276年),宋端宗趙昰敆福州做皇帝,故此共福州升為福安府,定做行都。

洪武元年(1368年),設福州府南明隆武元年(順治二年,1645年),朱聿鍵敆福州做皇帝,定都福州,稱福京,福州府更名天興府

順治三年(1646年),天興府復稱福州府。

民國二年(1913年)府制取消。1946年,福州市政府成立。 [2][7]

18世紀臺中其時候荷蘭人畫其福州灣(Bay von Hocsieu,就是閩江口海域)地圖中將福州寫為Hocsieu

敆西方國家其文獻臺中其名字[Siŭ-gāi | Gāi nguòng-mā]

趁1980年代末開始,使羅馬字母其國家比較普遍使Fuzhou來作「福州」名稱其拼寫,茲蜀種拼法是趁漢語拼音Fúzhōu來其,就是即漢語普通話臺中「福州」其發音。[8]敆茲以前,「福州」其名字敆西方文獻臺中有野価種𣍐蜀様其拼寫方式。13世紀其《馬可波羅遊記》共福州寫作Fugiu,茲種拼寫可能是趁當時其官話來其。[9][10]明末其荷蘭儂趁福州話借音,共「福州」拼成Hocsieu,茲蜀種固有Hockzieuw,Hoksieu,Hochsieu等野価種變體,[11]法文臺中拼做Hoksyeu。[12]同樣使福州話臺中其音,英語臺中以前共「福州」寫做Hokchew[13]、Hockchew[14][15]、Hokchue[10]、Hokchiu[16]、Hokcheu[17]等, 臺中有Hokchew、Hockchew敆東南亞其華人社群臺中今旦固𡅏敆𡅏使。[13][15]16世紀其幾隻西班牙其歷史學家(比如講貢薩列斯·德·門多薩等儂)曾共福州拼成西班牙文其Aucheo或者Ucheo。[16]固有,19世紀末福州平話字閩南語白話字發明以後,也有使Hok-ciu來寫「福州」其案例。[18]英語文獻臺中使漢語官話其發音來寫譯「福州」其寫法固有Foochow、Fuchow、Fuhchau、Fuhchoo、Fou-chou、Fou-chou-fou等,法文臺中使Fou-Tchéou,德文臺中使Futschau。19世紀末Foochow、Fuchow和Fuhchau其使法都有,但是Foochow已經慢慢變成主流其詞,固加直頭使遘中國推廣漢語拼音拼寫地名其規則以前(敆民國三十八年以前福州郵政局使其郵戳懸頂一般都有FOOCHOW或者FOOCHOWFU其英文地名)。[10]

旅遊[Siŭ-gāi | Gāi nguòng-mā]

福州其市樹:榕樹

福州比較出名其旅遊黃金區有:西湖華林寺西禪寺金山寺開元寺烏塔白塔湧泉寺鼓山旗山等等。

飲食[Siŭ-gāi | Gāi nguòng-mā]

福州菜閩菜其代表[19]

參考資料[Siŭ-gāi | Gāi nguòng-mā]

  1. 李吉甫. 元和郡縣誌 (文言文). 
  2. 2.0 2.1 福州市志. 方誌出版社. 1998.12. ISBN 7-80122-400-0 (cmn). 
  3. 徐景熹. 福州府志 (文言文). 
  4. 黃仲召. 八閩通志 (文言文). 
  5. 林楓. 榕城考古略 (文言文). 
  6. 叶真铭. 「福州」得名始於唐 沿用至今已接近1300年了 [「福州」其名字趁唐朝開始使起遘今旦已经接近1300年了]. 福州晚報 (cmn). 
  7. 徐曉望. 福建通史. 福建人民出版社. 2006-03 (cmn). 
  8. 地名管理條例. 中華人民共和國國務院. 1986-01-23. "第八條:中國地名的羅馬字母拼寫,以國家公布的《漢語拼音方案》作為統一規範。拼寫細則,由中國地名委員會制定。(第八條:中國地名其羅馬字母其拼寫,共國家公布其《漢語拼音方案》當作統一標準。拼寫幼則,歸中國地名委員會制定。)" 
  9. Marco Polo. Il Milione. 
  10. 10.0 10.1 10.2 林鍵; 牛冬. 「福州」和「福建」的西洋譯名 [「福州」共「福建」其西洋譯名]. 東南快報. 2008-12-27 (cmn). 
  11. Location of Fuzhou. Atlas of Mutual Heritage website (英文). [失效鏈接]
  12. Fu Cheu Fu ou Hoksyeu Capitale de Fo Kyen. Oldmaps.com. [2013-07-02]. (原始內容存檔着2015-05-25) (英文). 
  13. 13.0 13.1 W. G. Huff. The Economic Growth of Singapore: Trade and Development in the Twentieth Century. Cambridge University Press. 1994. 
  14. Toong Siong Shih. The Foochows of Sitiawan: a historical perspective. 
  15. 15.0 15.1 Alex Josey. Lee Kuan Yew: the struggle for Singapore. Angus & Robertson. 1974. 
  16. 16.0 16.1 C.R.博克舍. 十六世紀中國南部行紀. 中華書局. 1990. 
  17. Jan Huygen van Linschoten; William Phillip. The voyage of John Huyghen van Linschoten to the East Indies: From the old English translation of 1598. London: the Hakluyt Society. 1885. 
  18. Nicholas Cleaveland Bodman. Spoken Amoy Hokkien 2. Spoken Language Services. 1987. 
  19. 中国八大菜系之闽菜:一汤十变. 華夏經緯網. 2017-06. (原始內容存檔着2019-10-03) (cmn). "闽菜是中国八大菜系之一,历经中原汉族文化和闽越族文化的混合而形成。闽菜发源于福州,以福州菜为基础,后又融合闽东、闽南、闽西、闽北、莆仙五地风味菜形成的菜系。汤是闽菜之精髓,素有“一汤十变”之说。"