陳俊
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
陳俊（881年–1324年？），字克明，是福州永泰舊底蜀隻命活其野長其儂。
陳俊是福建永嘉縣山區湯泉村（今旦永泰梧桐鄉湯埕村）儂，伊敆唐朝中和辛丑年（881年）出世，元朝泰定甲子年（1324年）生去，活443歲，故此乞儂號𡅏「小彭祖」。
按民國出版其《永泰縣誌》其講法，陳俊年齡野大了，無囝弟，故此由村𡅏儂輪𡅏養。陳俊年齡罔大身體罔嫩，最終變𡅏共伲囝囝蜀樣大。儂就挈竹做蜀隻特大其籃籃，將伊廮裡勢，擔去塍邊兜，總款儂會使蜀邊做塍蜀邊照顧伊，共伊攀講。伊牙都逿澈去，無能耐消化食其乇，村𡅏養過囝其女界輪𡅏𩚉伊食
。鄉裏鄉親儘去尊重伊，告伊菜籃公。伊行去以後，鄉裏乞伊雕蜀隻像，將這像共伊其骨骨齊廮着湯泉廟裡勢供。伊其事計乞刻着蜀隻柴牌𡅏，這牌牌趁元朝剃了保留遘滿清其辰候。