2019冠狀病毒病疫情

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

全世界病儂其統計

2019冠狀病毒病疫情（COVID-19疫情），中國大陸號做新型冠狀病毒肺炎疫情，台灣號做嚴重特殊傳染性肺炎疫情，指趁2019年開始乞認為是因爲2019新型冠狀病毒（2019-nCoV）傳染引發其各種事計。者病第一開始着湖北武漢其華南海鮮市場爆發。新型冠狀病毒其傳染源是武漢華南海鮮市場非法銷售其野生動物，傳播途徑共擴散程度固未明確，世界衛生組織共中華人民共和國國家衛生健康委員會組織其專家相信，只种病毒有年呆儂傳染儂，對伲囝哥共後生囝感染力比較低。

者病最早出現辰候是2019年12月1號。2019年12月30號暝晡，有野価份趁武漢市衛健委敆12月30號發出、有關「不明原因肺炎」其文件敆網上廣傳，武漢市疾控中心第二日向傳媒證實文件屬實，仱開始向公眾通報病例，指出敆𡅏查證是底蜀種肺炎。2020年1月7號暝晡9點，專家檢測出病毒是新型冠狀病毒。2020年1月9號出現首宗死亡案例。敆1月初篩檢試劑盒開始發放以後，1月13號開始，泰國共日本等等地方都慢慢開始確認趁中國大陸來其個案。因為鄰近春節期間，大量人員已經流動遘外省轉厝，趁1月20號開始，包括廣東、北京、上海等地，中國大陸除開武漢以外其其他地區開始通報有確診病例，中國工程院院士鍾南山呼籲民眾戴口罩，避免去武漢，武漢市人民政府市長周先旺共中國國家衛健委也先後呼籲民眾伓嗵裏出武漢。

稱呼

早期因為肺炎病例其原因儥清楚，固加敆𡅏做病原鑑定共病因溯源等等初步調查，故此乞叫𡅏「不明原因肺炎」。新加坡《聯合早報》等媒體共伊叫做武漢肺炎。《卫报》、《纽约时报》等等媒體共伊叫做「武漢冠狀病毒」。

1月8號，香港特別行政區政府將其叫做「嚴重新型傳染性病原體呼吸系統病」。1月13號，世界衛生組織將病毒暫時起名叫做「2019新型冠狀病毒」（2019-nCoV），中華人民共和國國家衛生健康委員會同日將此種病毒引發其病症正式起名叫做「新型冠狀病毒感染其肺炎」。1月23號，中華民國衛生福利部疾病管制署正式起名叫做「武漢嚴重特殊傳染性肺炎疫情事件」。

背景

文件:Top 20 flight routes from Wuhan with data on IDVI for each country.jpeg

武漢始發其二十條最繁忙其國際航線上其每芘國家共地區對抗傳染病其脆弱性指数（数值越嫩就越脆弱）

圖是武漢周邊地區鐵路交通圖。武漢鐵路樞紐是華中地區其重要鐵路交通樞紐，武漢鐵路樞紐客運量是全國第一

武漢敆華中其的地理位置嘢重要，乞儂叫做九省通衢，也是華中地區其中心，中國其鐵路動脈京廣鐵路經過此地，也是鐵路幹道滬漢蓉快速客運通道其重要站點。除去陸墿共水墿其客流量，2019年全年，㑚武漢天河國際機場客流量就已經突破800萬。嚽對疫情其控制有嘢大影響。

只回疫情爆發其中心點武漢華南海鮮批發市場位置著武漢市江漢區，離漢口火車站盡近，以前因為衛生共安全問题乞舉報，但是递頭無得遘武漢市人民政府其回應共有效處理。敆此回事件臺中乞認為是疫情其最初爆發地，敆疫情爆發後乞政府命令停業。市場裡勢售賣有野生動物，可能是病毒來源。

研究報告

病原體

遘2020年1月7號暝晡9點，實驗室檢出蜀种新型冠狀病毒，得遘茲種病毒其全基因組序列。經過核酸檢測方法，共總檢出新型冠狀病毒陽性結果15例，趁1例陽性病人樣本臺中分離出茲种病毒，電子顯微镜下底看出典型其冠狀病毒其形态。專家組認為，茲回不明原因其病毒性肺炎病例其病原體初步判為新型冠狀病毒。

中國疾病預防控制中心表示，病毒其基因相似儥使等於病毒其致病能力相似。茲回發現其新型冠狀病毒共SARS或者MERS冠狀病毒雖然都是冠狀病毒，但是基因進化分析顯示伊茲幾種病毒分別屬於儥蜀樣其亞群分支：伊伓是SARS，也伓是MERS，伊其病毒基因序列差異比较大。

2020年1月21號，中國科學院上海巴斯德研究所共中科院分子植物卓越中心合成生物學重點實驗室等機構，敆《中國科學：生命科學》（SCIENCE CHINA Life Sciences）期刊懸頂發文，發現武漢新型冠狀病毒算Beta冠狀病毒屬（Betacoronavirus）。Beta冠狀病毒屬是蛋白包裹其單鏈正鏈RNA病毒，寄生共感染高等動物（包括儂）。敆進化樹其位置上，共SARS病毒共类SARS病毒其類群相鄰，但是儥算SARS共类SARS病毒類群。

病毒來源

2020年1月20號，中國工程院院士鍾南山接受中央電視臺採訪辰候講，基本固儥仈新型冠狀病毒其源头是世乇動物，㑚是趁各方面其流行病學調查其話，是趁野生動物來其。

2020年1月21號，中國科學院上海巴斯德研究所等等研究機構敆《中國科學：生命科學》上發文，初步判定進化來源是寄生敆果蝠其HKU9-1冠狀病毒，推測武漢冠狀病毒其自然宿主也可能是蝙蝠。就像造成2002年非典SARS冠狀病毒蜀樣，2019新型冠狀病毒敆趁蝙蝠遘儂其傳染过程臺中可能存在未知其中間宿主媒介。

2020年1月22號，中國科學院院士、中國疾控中心主任高福敆中華人民共和國國務院新闻办公室|新聞辦公室發布會上表示，2019新型冠狀病毒其來源是武漢其蜀家海鮮市場非法銷售其野生動物。齊蜀日，北京大学、廣西中醫藥大學、寧波大學、武漢生物工程學院學者聯合攻關，指出蛇是最可能攜帶2019新型冠狀病毒其野生動物。

傳播方式

2020年1月14號，根據路透社報道，世界衛生組織確認2019新型冠狀病毒「已經」有限度趁儂傳染遘儂，之後修改報道為「可能」有限度趁儂傳染遘儂，世衛隨後對發電批查詢其媒體澄清無證據顯示病毒趁儂傳染遘儂，固加敆社交網站上表示中國政府初步調查找儥著清晰其趁儂傳染遘儂其證據。

1月19號，世界衛生組織發言人亞沙雷維奇回覆台灣中央通訊社其電批查詢，講根據最新消息共分析，已經有證據表明2019新型冠狀病毒存在有限度趁儂傳染遘儂，同時補充講固無明確證據顯示人際間有持續傳播，無法評估整體其趁儂傳染遘儂其範圍。英國廣播公司（BBC）亦於1月20日獲世衛回覆密切接觸者間發生了有限的人傳人，同時指多個消息源透露武漢同濟醫院有醫護人員懷疑感染。武漢官方的說法則是不能排除人傳人可能，但持續人傳人風險較低，認為疫情是可防可控；中國國家衛健委同時指病毒源頭及傳播途徑固未查清楚，固需要嚴密監控可能其病毒變異。

1月20號暝晡，中國國家衛健委高級別專家組組長、中國工程院院士、國家呼吸系統疾病臨床研究專家鍾南山敆接受中央電視臺新聞直播採訪辰候表示，根據目前其資料，新型冠狀病毒肺炎是肯定有趁儂傳染遘儂：「敆廣東有兩芘病例，無去過武漢，但是家儂去武漢以後染上新型冠狀病毒肺炎，现在可以講，肯定其，有趁儂傳染遘儂其現象」。伊復透露講圍繞蜀隻病儂，已經有14名醫護人員出現醫療照顧相關感染，指出講嚽是非常重要其標誌，復表示95%病例與武漢有關，呼籲民眾可戴口罩預防及如非必要勿前往武漢。

1月21號，嘢早以前㑚講存在有限度趁儂傳染遘儂其世界衛生組織敆Twitter上表示新型冠狀病毒肺炎可能存在持續趁儂傳染遘儂其情形。齊蜀日，以前去武漢實地考察其中國國家衛健委武漢肺炎專家組成員、北京大學第一醫院主任醫師王廣發向香港有線新聞確認伊已經感染。王廣發表示自己趁武漢轉遘北京以後，左下目睭先出現結膜炎，仱發燒，伊推測自家是趁目睭結膜感染，認為講當時無戴防護鏡是防護盲點。以前去武漢視察情況其香港大學醫學院講座教授袁國勇相信疫情可能已經遘第三波傳播（家庭共醫院傳播）。如果敆社區大爆發就有機會重演2003年SARS事件。中國國家衞健委高級別專家組組長鍾南山認為武漢蜀隻病儂感染十幾隻醫護人員是醫院防控不足，茲隻病儂會使乞認定為超級傳播者，表示茲萆新型冠狀病毒肺炎現在固無特效藥。德國權威病毒專家德羅斯登敆2020年1月22號做出表示，武漢不明肺炎是新型其病毒，但是無SARS許滿嚴重，但是疫情正好是敆農曆春節交通高峰期時期爆發，對防堵相當不利。

1月22號，中國國家衛健委承認已經出現趁儂傳染遘儂共醫務人員感染，病例主要共武漢相關，固加存在一定範圍社區傳播，主要是呼吸道傳播，病毒存在變異其可能性，病毒有機會變異共進一步擴散，復指出未發現有超級傳播者。當晚國家衛生健康委員會發佈《新型冠狀病毒感染其肺炎防控方案（第二版）》。方案提遘，武漢肺炎其潜伏期最長是14工，病例存在趁儂傳染遘儂其情況，潜伏期可能無傳染性。

1月23號，國家衛生健康委員會發佈《新型冠狀病毒感染其肺炎防控方案（試行第三版）》。共第二版診療方案相比，新方案新增表述「出现無武漢旅行史其確診病例」。試行第三版方案提遘，截至目前蒐集遘其病例，顯示無敆華南市場暴露史病例敆𡅏增加，固加出現了聚集性病例共無武漢旅行史其确診病例，固加敆港澳臺共外國发現趁武汉來其無明確市場暴露史其確診病例。

2020年1月22號，中國科學院院士、中國疾控中心主任高福表示，根據目前其流行病學認識，2019新型冠狀病毒對伲囝對後生囝儥容易感染。中國國家衛健委高級別專家組成員李蘭娟院士講，新型冠狀病毒會驚75%酒精，會驚高温，目前致死率比H7N9低。

檢測方法

武漢市衛生健康委員會表示，因為當時新型冠狀病毒核酸檢測試劑盒固未完成研制，故此1月16號以前武漢市對疑似病例其樣本檢測流程是：首診醫院通過預檢分診、結合臨床檢查、實驗室檢查共胸部影像檢查，經過專家組會診以後確認疑似病例介採樣，趁轄區疾控中心將樣本轉運遘市疾控中心，市疾控中心交乞省疾控中心代轉運遘位置著北京其國家指定檢測機構做病毒分離共核酸檢測，每日會使檢測樣本兩百幾份，結果掏轉大概需要3遘5工。

1月11號，上海市公共衛生臨床中心、華中科技大學武漢中心醫院、武漢市疾病預防控制中心、中國疾病預防控制中心傳染病預防控制所聯合澳大利亞悉尼大學，敆Virological網站發佈「武漢肺炎」病例臺中其新型冠狀病毒基因組序列信息。敆中國疾控中心測出介公佈2019新型冠狀病毒（2019-nCoV）其序列以後，多家生物科技公司就根據病毒基因序列做了相應其PCR檢測産品設計。1月14號暝晡，硕世生物公告稱，針對武漢新型冠狀病毒引發其疫情，公司基於熒光PCR其技術著1月13號開發了新型冠狀病毒核酸檢測試劑盒共冠狀病毒通用型核酸檢測試劑盒。1月15號，華大集團發佈文章講，華大基因下屬深圳華大因源醫藥科技有限公司成功研發了新型冠狀病毒核酸檢測試劑盒。1月20號，達安基因共西隴科學也表示研發出病毒檢測試劑盒。辉睿生物蜀隻技術人員表示，多家公司研發其新型冠狀病毒核酸檢測試劑盒使其主流檢測原理都是熒光PCR檢測，使引物探針去擴增病毒靶序列，根據目前中國疾控中心出其診療方案臺中提供其三芘靶點，有任何两芘靶點呈現陽性，都會使斷定病毒是新型冠狀病毒2019-nCoV。檢測結果若呈陽性就會顯示蜀條曲線；陰性就是蜀條平線。

武漢市衛健委講，1月16號湖北省收遘研制出其新型冠狀病毒核酸檢測試劑盒以後，病毒檢測速度變快嘢価，蜀日會使檢出其樣本達遘接近2000份，預計趁採樣開始遘結果返回大概需要兩日左右其時間。

1月19號，國家衛健委通報講，已經向全國下發新型冠狀病毒核酸檢測試劑盒，要求各地加強檢測。1月20號開始疫情大量通報以後，部分委託商接遘缺貨情況，已經通知員工敆年前轉遘工廠加班生產，確保春節期間篩檢劑供應。

維基新聞標誌

維基新聞相關報導：

武漢眼科醫生李文亮去世