Giòng-cié tiáh-chiĕng
(Iù Giòng-cié tiéh-chiĕng dêng-hióng lì gì)
Giòng-cié tiáh-chiĕng (強制拆遷, ék-buăng tĕ̤k „giòng-cié chiék-chiĕng“) sê Dṳ̆ng-huà Ìng-mìng Gê̤ṳng-huò-guók téng 2000 nièng-dâi kăi-sṳ̄ gáu hiêng-câi iā sèu huák-sĕng gì siŏh cṳ̄ng hiêng-chiông, bêng-chiă muōng biéng muōng ngièng-dâe̤ng. Ék-buăng sê cī găk tiáh-chiĕng siŏh huŏng gâe̤ng ké̤ṳk ĭ tiáh-chiĕng hī siŏh huŏng găk gó muôi ciék-ché̤ṳk hĕ̤k-ciā găk lā̤ dàng-puáng gì sèng-âu, puái nè̤ng ciŏng ĭ gì chió giòng-cié tiáh dâi gì hèng-ùi.