朱元璋
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
朱元璋（1328年10月21號—1398年6月24號）也號𡅏明太祖、洪武皇帝，是明朝其開國皇帝。1368年遘1398年在位。
胡元天曆10年，敆今旦其安徽鳳陽出生。伊細其辰候厝野逼，家鄉野稠做災。1344年做旱，伊其爸奶都餓死去，厝𡅏儂都死徹去。伊無乇食，躃去皇覺寺去做和尚。1352年，聽講郭子興造反，就躃過去參軍，遘尾了因為儂輪活，做了郭子興其伲婿。郭子興死去以後，伊將陳友諒、張士誠各儂都滅囇。1368年，復將胡元其皇帝逐去漠北，自家做皇帝，定首都應天（今旦其南京），國號號𡅏「大明」，年號號𡅏「洪武」。