臺灣

"臺灣" 是蜀篇漢字其文章，卜覷平話字版本"Dài-uăng"，篤嚽塊。

臺灣（音 Dài-uăng或者Dài-uàng，閩南話：Tâi-oân，英語：Taiwan）是太平洋懸頂其蜀萆島嶼，敆中華人民共和國福建省東部，是中華民國主要其管轄區。臺灣本來該當讀做「Dài-uàng」，漢字寫做「臺員」。

舊底西方也叫臺灣做Formasa（趁葡萄牙語 Ilha Formosa 來其，意思是「美麗其島嶼」）。

歷史

古早早，就有講南島語系其原始民族住著臺灣。再遲遘15世紀，都無受漢族文化其影響。

1624年遘1662年，臺灣乞荷蘭統治。荷蘭政府調福建沿海居民搬遘臺灣開發。

1662年2月1號，鄭成功軍隊拍赢荷蘭軍隊，佔領臺灣，建立東寧國。

1863年，清朝將軍施琅拍赢東寧國，由是，臺灣成為清朝其領土。

1895年，中日甲午戰爭爆發，清朝政府共臺灣割去日本。

1911年，辛亥革命爆發，中華民國成立，清朝倒臺。1945年，日本戰敗，中華民國開始統治臺灣。1949年，中華民國國民革命軍著國共內戰失敗，走去臺灣。於是，臺灣代表中華民國，一直遘今旦。

根據2005年其估量，臺灣有2,290萬儂，有98%是漢族。著漢族臺中，有86%是早期其漢族移民，包括講閩南話其Holo儂共講客話其客家儂，其他其漢族都是1949年跟𡅏國民黨走遘臺灣其中國大陸人。

遘有2%（大約卜50萬儂）其人口是臺灣其原住民，譬如講平埔族共高山族。

臺灣其文化主要是趁中國大陸傳來其，也受著日本共美國文化其影響。1990年代，臺灣開始本土化運動，真価臺灣本地文化（Holo、客家儂共原住民）都開始復興。