福建省 (中華民國)

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

租塊介紹中華民國實際管轄其福建省。若是卜想讀中華人民共和國實際管轄其福建省，起動汝覷福建。

中華民國福建省實際管轄金門、馬祖共烏坵，省會設敆金門。

1946年，中國大陸發生國共內戰，中華民國國民政府敆1949年走去臺灣。1949年8月17號，中國共產黨下底其中國人民解放軍拍底福州，中華民國將伊其省政府搬遘金門去。

中華民國敆中國大陸儷剩金門、馬祖共烏坵。中國共產黨敆大陸建立中華人民共和國，卜想派部隊去「解放」臺灣，剃了拍金門，都無成功，就變今旦總款其運勢了。

搬遘金門其福建省實際已經虚級化，無臺灣省政府許滿完整，連省級醫院都無。省長也是國民政府直接派過，透底無經過選舉。1956年，福建省政府趁金門搬遘臺北辦公。1996年辦轉金門。1998年，福建省政府正式復活。

行政區域

今旦其福建省下底有2萆縣，固有蜀萆鄉由金門代管其：

縣/鄉其名字	政府駐地	統治範圍	中華人民共和國其聲稱其行政區	備注
金門縣	金門鎮	金門島	泉州市金門鎮	省政府駐地
連江縣	南竿鄉	馬祖島	福州市連江縣馬祖鄉	中國大陸也有蜀隻連江縣
烏坵鄉	大坵村	大坵島共小坵島	莆田市秀嶼區湄洲鎮烏坵村	由金門縣代管