Iroha-gŏ̤

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

---

Iroha-gŏ̤ (Nĭk-buōng-ngṳ̄: いろは歌), iâ ô nè̤ng siā có̤ Ĭ-lṳ̄-pŏ̤-gŏ̤ (伊呂波歌), Ī-lṳ̄-pŏ̤-gŏ̤ (以呂波歌), sê Nĭk-buōng Bìng-ăng Sì-dô̤i (平安時代) gì Huô-gŏ̤ (和歌), sāi chék-ngô-diêu (七五調) gì gáik-lŭk (格律) lì siā, iā sâ̤ nè̤ng dŭ gōng cuòi gŏ̤-sê̤ṳng lāu Hŭk-gáu gì Ù-siòng-guăng (無常觀). Sāi Iroha-gŏ̤ diē-sié Gā-miàng chók-hiêng gì sông-sê̤ṳ lì bài-liĕk, hô̤ lā̤ Iroha-sông (---順) hĕ̤k-ciā Ĭ-lṳ̄-pŏ̤-sông.

Hiêng-sì lièu-diòng gì Iroha-gŏ̤ ciòng-ùng, tĕ̤k-huák dŭ diŏh â-dā̤.

Gū-dâi		Hiêng-dâi		Iroha-sông	Hók-ciŭ-uâ Huăng-ĭk
Gā-miàng	Tĕ̤k-ĭng	Háng-cê gâe̤ng Gā-miàng	Tĕ̤k-ĭng
いろはにほへと	Iro fa nifofeto	色は匂へど	Iro wa nioedo	1 - 7	(Huă gì) hiŏng-ê
ちりぬるを	Tirinuru wo	散りぬるを	Chirinuru o	8 - 12	(cṳ̆ng-giú) â̤ sáng,
わかよたれそ	Wa ka yo tare so	我が世誰ぞ	Wa ga yo dare zo	13 - 18	cī ciáh sié-gái
つねならむ	Tune naramu	常ならん	Tsune naran	19 - 23	hŭ-nè̤ng dŭ â̤ biéng;
うゐのおくやま	Uwi no okuyama	有為の奥山	Ui no okuyama	24 - 30	iū-òi (有爲) gì chĭng-săng
けふこえて	Kefu koyete	今日越えて	Kyō koete	31 - 35	gĭng-dáng uŏk guó,
あさきゆめみし	Asaki yume mishi	浅き夢見じ	Asaki yume miji	36 - 42	ng-có̤ hŭ-chiēng (膚淺) gì máe̤ng,
ゑひもせす	Wefi mo sesu	酔ひもせず	Yoi mo sezu	43 - 47	iâ ng kó̤ tìng-cói (沈醉).

Háng-cê sāi sĭng-cê-tā̤ (新字體). Gŏ̤ téng Nĭk-buōng Dṳ̆ng-hŏk gáu-kuŏ-cṳ̆ lì. Gā-miàng sāi dái cŏk-diēng gì Gô-gā-miàng. Ĭng-ôi ngṳ̄-ngiòng diŏh biéng-huá, gó-chṳ̄ hiêng-câi gì tĕ̤k-ĭng gâe̤ng Gā-miàng dó̤i-êng mâ̤ lì.