吟翠書院

Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。

---

吟翠書院，是理學其書院，着福州市閩侯縣祥謙鎮輔翼村三溪口水庫附近其下卓自然村。過去輔翼村讀書其風氣野重，南宋乾道二年（1166年）有黃孔光進士及第，稠稠共朱熹敆蜀堆，固敆五虎山（方山）下底起了蜀落厝，號吟翠山樓，請朱熹教書，故此復號吟翠書院。輔翼村黃人龍、黃人鳳等等儂就總款得遘了教益。朱熹敆下卓村固稠稠爬五虎山，有《方山》詩：「到山不識山面目，但見九鼻盤溪曲。歸來兀坐小窗下，倚天百裏剖寒玉。」復敆絕頂峰題刻：「怡山良石，神仙所居」。