施三德

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

《施三德》是蜀隻閩劇其戲齣。

名字

復號𡅏「義叔賢嬸」「賢義傳」。

故事

只本戲是講，舊底顧府有蜀隻公子，名君恩。伊厝有蜀隻婢女，號月梅。只兩其兩情相悅。仱月梅帶身喜，君恩中狀元。但是皇帝下詔，伊着即日出塞邊關。君恩拍算此刻討親，但是吏部其官儂卜將伊千金配乞伊。硬去共孃嬭講，㑚驚月梅會乞伊嬭「活活拍死」。君恩求伊弟君統想辦法。孃嬭來了，君統講千金小姐伓好伺候，孃嬭直接問君恩中意世乇款其諸娘囝。遘尾問出，是中意月梅，講儥使。孃嬭囝兩隻大爭。君恩講㑚伓讓伊兩其結婚，伊就伓裡京，去做和尚。孃嬭講佪伊共月梅「活活拍死」。君統勸伊兩其，讓依哥趕緊裡京，月梅其事計以後介講。君恩行去，孃嬭命下人準備家法。君統出蜀計，共伊嫁乞鄉下蜀主姓王其。