茲篇文章質量霧裡去。卜想瞭解固価,起動汝點嚽塊。

福建方言文化大賽

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


福建方言文化大賽福建電視臺都市時尚頻道主辦,考察福州話閩南話莆仙話客家話俗諺俚語,固有方言區其民俗文化[1]。比並其環節包括答問、乞電影配音等等。儂答完題,現場其專家會講評,介紹方言共民俗其知識。[2]

賽制[Siŭ-gāi | Gāi nguòng-mā]

比賽考察其內容包括了福州話閩南話莆仙話客家話四萆閩語方言。考察方式有答問、乞電影配音等等。四萆方言各有蜀隻「代言人」。[2]伊各儂會乞參加比並其儂出題[2][3],題目各種各色[2]。初賽是個人賽,復賽就是做陣參加。比如第三屆比賽,使廿四回比賽選出三十二隻儂。三十二隻儂抽簽做陣,形成八隊。通過四回復賽,長四隊行裏決賽場。決賽臺中,頭蜀輪比並是歌舞,內容包括福州話其歌《我是小小福州儂》、閩南迪斯科拍胸舞」、客家竹板舞。之後乞電影《老炮兒》《寒戰》《瑯琊榜》《新白娘子傳奇》配音。「縱橫八閩」隊敆茲蜀輪勝利,直接會裏之後其「方言王中王」環節。另三隊介搶答風俗、飲食、方言題目,經過幾輪,儷長蜀隊會裏「方言王中王」。「王中王」考論述題,考出「方言最強音」。「最強音」都領有四隻儂,四萆閩語方言各有蜀隻儂。[4]

情況[Siŭ-gāi | Gāi nguòng-mā]

2014年10月,福建電視臺都市時尚頻道舉辦了頭蜀回方言文化大賽,之後𡅏作爲自家其節目《今晚有禮了》其附屬節目播出[1]。比並現場其大屏幕懸頂寫其名字,是福建方言文化漢字輸寫大賽[5]。遐時候固有福建方言文化漢字書寫大賽[6]福建方言文化電視大賽[7]等等名字。比賽共總做了三個月日[1]

2015年舉辦了第二屆比賽。電影配音其環節是敆茲蜀回比賽加添其。[2]

2016年10月初,第三屆比賽開始。根據《福州晚報》其講法,茲蜀回比賽有融合旅遊元素。趁11月14號開始,每蜀禮拜拜一拜四暝晡,比並其過程由都市時尚頻道播出。總決賽敆2017年元旦假期播放。[4]

評價[Siŭ-gāi | Gāi nguòng-mā]

《中國新聞出版廣電報》2015年2月3號其報導講,茲蜀萆比賽可以讓大家看見古早其福建儂「輾轉流徙、篳路藍縷」其艱辛歷程,固會看遘各隻族群其生活生產方式帶來其族群心理文化特徵。伊認爲茲蜀萆比賽可以還原舊底鮮活其歷史共文明,讓固価講方言其儂重新揢起文化認同文化自豪感[1]

獎項[Siŭ-gāi | Gāi nguòng-mā]

單位 獎項 名次 對象 參考
中國廣播電視協會 2014年創優欄目 二等獎 《首屆福建省方言文化電視大賽》 [1]

參考資料[Siŭ-gāi | Gāi nguòng-mā]

  1. 1.0 1.1 1.2 1.3 1.4 敏菊. 福建首届方言文化电视大赛落幕. 中国新闻出版广电报. 2015-02-03 [2018-06-02]. 
  2. 2.0 2.1 2.2 2.3 2.4 张福财. 第二届福建方言大赛开赛. 中国新闻出版广电报. 2015-11-10 [2018-06-02]. 
  3. 黃琛, 池毓滉. 福建台都市频道推介“福建方言文化电视大赛”, 電視. 东南卫视 事計發生敆 00:15. 2014-12-20 [2018-06-02]. 
  4. 4.0 4.1 顾伟. 第三届福建方言文化大赛落幕 现场四种方言同台. 福州晚报 (福州新闻网). 2016-11-01 [2018-06-02]. 
  5. 黃琛, 池毓滉. 福建台都市频道推介“福建方言文化电视大赛”, 電視. 东南卫视 事計發生敆 00:06. 2014-12-20 [2018-06-02]. 
  6. 《今晚有礼了》栏目组. 福建首届方言文化汉字书写大赛 一起争夺方言冠军!. 福建都市频道 (福建网络广播电视台). 2014-12-17 [2018-06-02]. 
  7. 黃琛, 池毓滉. 福建台都市频道推介“福建方言文化电视大赛”, 電視. 东南卫视. 2014-12-20 [2018-06-02]. 

外斗鏈接[Siŭ-gāi | Gāi nguòng-mā]

頭蜀屆(2014年)

第二屆(2015年)