Siēu-mò̤-nṳ̄ Hŏk-dòng
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
«Siēu-mò̤-nṳ̄ Hŏk-dòng» (小魔女學堂, Nĭk-ngṳ̄: リトルウィッチアカデミア) sê Nĭk-buōng gì dông-uâ-piéng, iù Trigger cié-cáuk. Kī-tàu lā̤ sê siŏh buô dông-uâ diêng-īng, 2013 nièng 3 nguŏk 2 hô̤, găk siŏh bĭh giéu «Dông-uâ Uôi-lài 2013» (動畫未來 2013) gì kié-huăh (企劃) lā̤ gŭng-kŭi. Ciék-â-kó̤ gì dông-uâ hô̤ lā̤ «Siēu-mò̤-nṳ̄ Hŏk-dòng: Mò̤-huák Gĭ-guăng gì Ngiàng-nó̤h» (小魔女学堂: 魔法機關倛迎乇, リトルウィッチアカデミア 魔法仕掛けのパレード), téng 2015 nièng 10 nguŏk 9 hô̤ kŭi-sṳ̄ bóng-ióng lâng lā̤-bái. Cuòi cêu ng-sê «Dông-uâ Uôi-lài» gì cáuk-pīng lāu. Cuòi sê Trigger cê-gă puói-bī cê-gă có̤ gì. Ī-hâiu lā̤, bô ô siŏh buô giéu «Siēu-mò̤-nṳ̄ Hŏk-dòng» gì diêng-sê dông-uâ, 2017 nièng 1 nguŏk lā̤ kŭi-sṳ̄ bó̤-bóng, dĭk-dĭk gáu 6 nguŏk cá bóng uòng[1]. Ciā dông-uâ gâe̤ng ī-sèng gì dông-uâ sū gōng gì gó-sê̤ṳ cêu mò̤ sì-găng sĕng-hâiu gì guăng-hiê, ciáng-ciáng-sê sĭng gì cáuk-pīng[1].
Gó-sê̤ṳ
[Siŭ-gāi | Gāi nguòng-mā]Dông-uâ Uôi-lài gì bēng-buōng
[Siŭ-gāi | Gāi nguòng-mā]Cṳ̆-chók mò̤-huák sié-gái, ô siŏh ciáh cṳ̆-niòng-giāng, miàng-cê hô̤ lā̤ Siēng-liŏng Siâ-lê-ó̤ (閃亮謝莉奧, シャイニィシャリオ). Ĭ ó̤i kó̤ chék-ché̤ṳ iù-lĭk, có̤ ĭ gì màng-buŏ mò̤-huák-séu (魔法秀). Iā sâ̤ nè̤ng dṳ̆ng-é ĭ gì mò̤-huák-séu, gì-dṳ̆ng cêu ô Ā-kō̤ (亞可, アッコ). Ā-kō̤ sê siŏh ciáh cṳ̆-niòng-giāng, có̤-sá̤ káng lāu ĭ biēu-iēng. Hiā sì-hâiu, chék lăk sĭng-sĭng téng tiĕng lā̤ buŏi lŏk lì, biéng siàng mò̤-tiông (魔杖), bô tiéu chók lì Siă-lê-ó̤. Ĭ dò̤ lā̤ mò̤-tiông bāi siŏh bāi, cêu ô băh-siók-siók gì duâi gūng-muòng (拱門) kī tiĕng-siông (天上), nâung-nâung gì siĕng-cṳ̄ kuàng-kuàng-diōng, bô buŏi lì hà-cĭng-biék-guái ké̤ṳk Siă-lê-ó̤ páh-bâi. Gáu-muōi-lāu, Siă-lê-ó̤ duâi-siăng gó̤: „Séng-sĭng (信心) cêu sê nṳ̄ gì mò̤-huák!“ Cêu giàng kó̤. Cĭ-hâiu Ā-kō̤ sĭng lā̤ dŭ-sê mò̤-huák, có̤i-hâiu kó̤ Sĭng-nguŏk Mò̤-huák Hŏk-dòng (新月魔法學堂, ルーナノヴァ魔法学校) tĕ̤k-cṳ̆ lāu.
Gáu lāu hŏk-dòng ī-hâiu, Ā-kō̤ mò̤-huák mâ̤ hō̤, siông-dòng ó̤i káung-mìng, gá-buŏi cêu găk tiĕng lā̤ ké̤ṳk sáu-ciēu tăi lā̤ buŏi. Dáng-sê ĭ cùng-bái Siă-lê-ó̤ gì sĭng mò̤ biéng. Nièng-dâung lā̤ sìng-cék có̤i hō̤ gì Dái-ăng-nā (戴安娜, ダイアナ) gâe̤ng Siă-lê-ó̤ dŏng-chŭng, Ā-kō̤ káh-dièu-bŏng Lŏk-dé (洛蒂, ロッテ), Sŭ-să̤ (蘇西, スーシィ) iâ gōng Siă-lê-ó̤ găk mò̤-huák-gái (魔法界) mìng-sĭng (名聲) mâ̤ hō̤, ĭ-gáuk-nè̤ng dŭ giéng-gáe̤k Siă-lê-ó̤ gì mò̤-huák nâ sê piéng niè-giāng-gŏ̤ gì.
Mò̤-huák Gĭ-guăng gì Ngiàng-nó̤h
[Siŭ-gāi | Gāi nguòng-mā]2017 nièng diêng-sê dông-uâ
[Siŭ-gāi | Gāi nguòng-mā]Gáe̤k-sáik
[Siŭ-gāi | Gāi nguòng-mā]Sĭng-sṳ̀
[Siŭ-gāi | Gāi nguòng-mā]Chók-bēng gì cṳ̆
[Siŭ-gāi | Gāi nguòng-mā]Diêng-sê dông-uâ
[Siŭ-gāi | Gāi nguòng-mā]Chăng-kō̤ cṳ̆-lâiu
[Siŭ-gāi | Gāi nguòng-mā]- ↑ 1.0 1.1 TVアニメ「リトルウィッチアカデミア」吉成曜監督インタビュー TRIGGERはこういうアニメもできるんだと見せたかった. アニメ！アニメ！. 2016-12-26 [2016-12-27].