王延政

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

王延政（？—951年）是五代十國其辰候閩國其第5代皇帝，943年遘945年在位。

王延政是王審知其囝，也是王延翰、王延鈞共王延曦其弟。王延鈞在位其辰候，平定王延稟其叛亂，派伊去做建州刺史。遘尾了共王延曦做𣍐和，王延曦敆940年派部隊去拍伊，無贏。第二年王延曦封伊做富沙王。不過943年，伊復敆建州自立門戶，自稱殷王，年號天德。

王延政共王延曦蜀樣，對百姓收野価稅，百姓生活野喫虧，944年，敆福州其王延曦乞朱文進、連重遇刣死，福州其閩國宗室全部乞朱文進拿𡅏刣唻。王延政派兵拍福州，945年，將者城拍下來。閩國其大臣卜想讓王延政轉福州來，不過許辰候南唐借者事件開始侵略閩國，伊無能耐儷派自家其囝王繼昌去福州。王繼昌乞大臣黃仁諷害死，伊聽講以後派部隊拍福州，將黃仁諷蜀厝儂都拿𡅏刣唻。茲辰候南唐其兵已經包圍建州，伊無能耐投降。

王延政乞儂拿去南唐其首都金陵（今旦其南京），南唐中主封伊做羽林大將軍。951年，封伊做光山王。無箬恒病死，追封福王，諡號恭懿。

今旦福建野価姓王其儂自稱是王延政其後代。