王延曦

Chók-cê̤ṳ Wikipedia

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


王曦(?—944年),原來名字號𡅏王延曦,是五代十國其辰候閩國其第4代皇帝。939年遘944年在位。

王延曦是王審知其囝,是王延翰王延鈞其弟,也是王延政其哥。王延曦敆王繼鵬在位其辰候是左僕射兼同平章事。王繼鵬對宗室態度都𣍐好,驚伊各儂造反。王延曦就裝癲脬,乞王繼鵬拿𡅏關着厝𡅏。939年,將軍朱文進連重遇造反,將王繼鵬刣死,讓伊做皇帝,年號永隆。

王曦共王繼鵬性格野像,並且比伊固𡅏呆。伊共建州刺史王延政做𣍐和。940年,王曦派兵拍建州,者戰爭蜀拍就拍野価年。

王曦者儂野多疑,卜想刣死朱文進、連重遇兩隻儂。但是者事計乞兩隻儂先仈了,敆944年將王曦暗殺。敆福州其閩國宗室都乞茲兩隻儂刣澈。廟號景宗,諡號睿文廣武明聖元德隆道大孝皇帝。