王繼鵬

"王繼鵬" 是蜀篇漢字其文章，卜覷平話字版本"Uòng Gié-bèng"，篤嚽塊。

王昶（？—939年），原來名字號𡅏王繼鵬，是五代十國其辰候閩國其第4代皇帝。935年遘939年在位。

王繼鵬是王延鈞其第二囝，伊娘奶是南漢其清遠公主。王延鈞登基以後，封伊做福王。935年，伊發動政變，將王延鈞刣死篡位，改年號通文。

王繼鵬共伊郎爸蜀樣迷信道教，野聽道士陳守元其話，連國家大事都共伊商量。在位其辰候起野価宮殿，蜀無錢起就加稅，故此福州儂都野怒伊。伊對宗室其態度也是𣍐好。

939年，王繼鵬其宮殿失火，伊懷疑者火是將軍朱文進共連重遇放其。茲兩隻儂聽講以後，馬上發動兵變，將王繼鵬刣唻，讓伊家家王延曦登基。廟號康宗，諡號聖神英睿文明廣武應道大弘孝皇帝。