𣗬兜站

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


𣗬兜站(地鐵站寫其是樹兜)

𣗬兜站(地鐵站裡勢寫其是「樹兜」),是福州地鐵1號線其蜀萆臺中站其車站,伊敆福建省福州市鼓樓區華林墿五四墿墿口其下底。𣗬兜站敆2017年1月6號開始使。

站名來源[Siŭ-gāi | Gāi nguòng-mā]

閩都別記》裡勢有記,𣗬兜夫塊仈曾是瓮城,生其盡像衣兜,會保護福州城。故此福州儂將瓮城其位處號𡅏「兜」,野形象。復因爲嚽所𣗬野価,就告「𣗬兜」了。一直遘民國其時候,地圖懸頂都是寫「𣗬兜」,後首改做「樹兜」。[1]

車站結構[Siŭ-gāi | Gāi nguòng-mā]

站廳[Siŭ-gāi | Gāi nguòng-mā]

𣗬兜站其站廳是一般其裝修,無什乇特色。車站裡勢其廁所敆D出入口。

𣗬兜站其站廳

站臺[Siŭ-gāi | Gāi nguòng-mā]

𣗬兜站有兩萆站臺,都是乞1號線使其。站臺是島式站臺其設計。其中,1號站臺是去象峰,2號站臺是去福州火車南站使其。

象峰其1號站臺
福州火車南站其2號站臺

出入口[Siŭ-gāi | Gāi nguòng-mā]

𣗬兜站其C出入口
𣗬兜站其D出入口

𣗬兜站有四萆出入口,但是目前固有蜀萆出入口固無開始使,所以現在有三萆出入口敆使,無障礙電梯敆C出入口,廁所敆D出入口。其中,B出入口其邊兜有公交車站「屏東站」共「省農科院站」,C出入口其邊兜有公交車站「樹兜站」共「屏東站」,D出入口其邊兜有公交車站「屏東站」共「省農行站」。

參考來源[Siŭ-gāi | Gāi nguòng-mā]