象峰站

Chók-cê̤ṳ Wikipedia

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


象峰站

象峰站,是福州地鐵1號線其蜀萆車站,也是伊其北段終點站。伊敆福建省福州市晉安區新店鎮秀峰路共滿洋路其墿口邊兜。象峰站敆2017年1月6號開始使。

車站結構[Siŭ-gāi | Gāi nguòng-mā]

站廳[Siŭ-gāi | Gāi nguòng-mā]

象峰站其站廳是蜀萆特色站廳,牆懸頂有漸變其顏色,趁懸頂遘下底罔變罔藍。車站裡勢有蜀萆客服中心,敆站廳其臺中。站廳底勢固有蜀架自動售貨機,三架ATM。廁所敆F出入口。

象峰站其站廳

站臺[Siŭ-gāi | Gāi nguòng-mā]

象峰站有兩萆站臺,都是乞1號線使其,站臺是島式站臺其設計,其中,1號站臺是所有乘客敆終點站落車其前後使其,2號站臺是去三江口使其。

所有乘客敆終點站落車其1號站臺
三江口其2號站臺

出入口[Siŭ-gāi | Gāi nguòng-mā]

象峰站有六萆出入口,但是目前B出入口固無開始使,無障礙電梯共廁所都敆F出入口。其中,D出入口其邊兜有公交車站「滿洋路站」,C共F出入口其邊兜有公交車站「地鐵象峰站」,E1共E2出入口其邊兜有公交車站「象峰中心小學站」。

象峰站其D出入口
象峰站其E1出入口
象峰站其E2出入口