三叉街站

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.


三叉街站

三叉街站,是福州地鐵1號線福州地鐵3號線濱海快線(F1線)其蜀萆轉乘車站,伊敆福建省福州市倉山區上三路、則徐大道共六一南路墿口其下底。三叉街站敆2016年5月18號開始使,敆1號線一期南段運營辰侯是北邊其終點站,遘了2017年1月6號北段開通後就變臺中站了。

站名來源[Siŭ-gāi | Gāi nguòng-mā]

敆《榕城考古略》裡勢有記載,下藤路、埔頭路、埔尾路三條墿交叉敆只角,所以乞儂習慣性其號「三叉街」。

車站結構[Siŭ-gāi | Gāi nguòng-mā]

站廳[Siŭ-gāi | Gāi nguòng-mā]

三叉街站其站廳有蜀萆市民角,以後會做福州地鐵3號線其轉乘通道,車站裡勢其廁所敆C出入口。

三叉街站其站廳

站臺[Siŭ-gāi | Gāi nguòng-mā]

三叉街站有兩萆站臺,都是乞1號線使其,站臺是島式站臺其設計,其中,1號站臺是去象峰,2號站臺是去福州火車南站使其。

象峰其1號站臺
福州火車南站其2號站臺

停車模式[Siŭ-gāi | Gāi nguòng-mā]

  • 2016年5月18號遘2016年11月25號,三叉街站是南段開通其北端其臨時終點站,列車停車其方式是站前折返模式,就是有使2號站台,伓使1號站台。
  • 2016年11月25號遘2016年12月25號,1號線南北段開始敆運營辰侯貫通試運行,三叉街站恢復了臺中站,去象峰方向其列車使2號站台,去福州火車南站方向其列車使1號站台,站台臺中廮了鐵馬讓乘客遘2號站台等車,避免乘客遘固無開通其試運行其地方。但是期間有其辰侯會恢復南段以前其站前折返模式停車,共北段試運行隔離。
  • 2016年12月25號遘2017年1月3號,1號線全線開始十天其試搭活動,三叉街站開始掏去做臺中站使,但是由於南段敆正常其試運營,所以敆白湖亭站前往三叉街站其辰侯會通過廣播提醒無參加試搭活動的乘客敆三叉街站落車。
  • 趁2017年1月6號起,1號線全線開通試運營,三叉街站就變臺中站了。
2016年11月25號遘2016年12月25號辰侯其站臺,臺中廮了鐵馬

出入口[Siŭ-gāi | Gāi nguòng-mā]

三叉街站C其出入口
三叉街站D1其出入口

三叉街站六萆出入口,但是目前固有兩萆出入口固無開始使,所以現在有四萆出入口敆使。其中,無障礙電梯敆C出入口,邊兜固有公交車站「上三站路口」共「三叉街站」,A出入口其邊兜有公交車站「種福寺站」,B出入口其邊兜有公交車站「上三路口站」,D1出入口其邊兜有公交車站「種福寺站」共「三叉街站」。

爭議[Siŭ-gāi | Gāi nguòng-mā]

三叉街站敆2016年5月18號開始使其辰侯,有儂發現伊其普通話發音有問題,三叉街其「叉」字音應該是「chā」伓是「chà」,遘尾地鐵公司敆報站更新其辰侯做了改正。