Chŏng-hà-ciŭ Gĭ-dók-dòng
| Chŏng-hà-ciŭ Gĭ-dók-dòng | |
|---|---|
|
苍霞洲基督堂 | |
-20241230-1.jpg) | |
| Cŭng-gáu | |
| Cŭng-gáu | Gĭ-dók-gáu |
| Ôi-dé | |
| Ôi-dé | Hók-gióng Hók-ciŭ Dài-gĕ̤ng-kṳ̆ |
| Guók-gă |
 Dṳ̆ng-guók |
| Cô̤-biĕu | 26°3′10.055″N 119°18′14.724″E / 26.05279306°N 119.30409000°E |
| Gióng-dê̤ṳk | |
| Kī gì sì-găng | 1870 nièng |
| Dê-dù | |
 | |
Chŏng-hà-ciŭ Gĭ-dók-dòng (蒼霞洲基督堂), báik-cèng hô̤ lō̤ Hók-ciŭ Gĭ-dók-dòng (福州基督堂), sê Ĭng-guók Séng-gŭng-huôi (Ĭng-ngṳ̄: Church of England) găk Dṳ̆ng-guók Hók-gióng gáu-kṳ̆ gì ciō-gáu cô̤-dòng (主教座堂), dê-cī găk Hók-ciŭ Dài-gĕ̤ng-kṳ̆ Chŏng-hà-ciŭ (蒼霞洲) Gău-tŭng-háe̤ng (交通巷) 17 hô̤.
1924 nièng 11 nguŏk 1 hô̤, Séng-gŭng-huôi Hók-gióng gáu-kṳ̆ Ciō-gáu Hèng Iók-hâng (Bishop John Hind) ciō-tì Chŏng-hà-dòng gì dâing-gĭ ngì-sék, kŭi gĕ̤ng gióng-cô̤ ciō-gáu cô̤-dòng, gáu 3 nièng hâiu ciáh chiàng. Dŏng-sì, ciā gáu-dòng miàng giéu "Hók-ciŭ Gĭ-dók-dòng". Guòng dòng sê ciŏng-mŭk giék-gáiu, â̤ ṳ̀ng-năk siŏh-chiĕng nè̤ng. Dṳ̆ng-huà Séng-gŭng-huôi gì huôi-ngiê sèu-sèu găk cē̤-nē̤ diêu-kăi.
1950 nièng, Dṳ̆ng-guók Dâi-lṳ̆k Gĭ-dók-gáu gì Săng-cê̤ṳ ái-guók ông-dông gì chiĕng-miàng uăk-dông iù ciā gáu-dòng kăi-sṳ̄. 1958 nièng, gáu-dòng buô-hông diòng-sū ké̤ṳk Dài-gĕ̤ng gì siŏh găng iŏh-chiōng ciéng-ê̤ṳng. 1966 nièng Ùng-gáik kăi-sṳ̄, cô̤-dòng ké̤ṳk guŏng lâi, cuòng-buô ké̤ṳk iŏh-chiōng ciéng-ê̤ṳng.
1985 nièng 8 nguŏk 11 hô̤, Hók-ciŭ Gĭ-dók-dòng gāi-miàng Chŏng-hà-dòng tṳ̀ng-sĭng kăi-huóng. Gĭng-dáng, Chŏng-hà-dòng sê Hók-ciŭ dék dê̤ṳng-iéu gì siŏh cô̤ gáu-dòng cĭ-ék.