Wikipedia:保薦好文/閩劇

Chók-cê̤ṳ Wikipedia

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng. Lua 錯誤 於第88行的模組:Interwiki_extra中:attempt to index local 'entity' (a nil value)。


閩劇,也號𡅏福州戲,是福州特色其蜀種劇種,使福州話唱,福州話念白。敆唐朝其辰候,福州就有「歌舞百戲」其演出去了。南宋辰候南戲臺中其《張協狀元》,就是獲福州百姓其「福州歌」共「福清歌」來做曲牌其。明朝萬曆37年(1609年),福州出身其官員曹學佺乞皇帝逐轉厝。伊着洪塘祖厝組織戲班,請儒士去夫塊聽劇。伊精通音律,創作出來蜀種適合使福州話唱其腔,別儂都見覺者腔𣍐呆,告嚽號𡅏「儒林班」。滿清入關以後,曹學佺自殺,者腔就慢慢無儂唱去了。同時復有江西弋陽腔傳遘福州來。者戲班蜀七處躃躃動去演出,故此號𡅏「江湖班」。者「江湖班」唱戲全使「土官話」(官話其字使福州話其音來讀),前臺唱,後臺幫腔,鑼鼓窾窾叫,聽𡅏野鬧熱,百姓都盡去喜歡。但是者「土官話」着百姓臺中無箬壞儂聽會會意,有儂就掏𡅏「平話」(福州話)來唱白,「平話戲」就總款產生去了。 (世落讀...)