三坊七巷
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
三坊七巷是福州市鼓樓區南後街邊兜三條坊共七條巷其統稱。三條坊都著南後街其西向，按由北遘南順序是衣錦坊、文儒坊、光祿坊；七條巷是楊橋巷、郎官巷、塔巷、黃巷、安民巷、宮巷、吉庇巷。現在三坊七巷經過拆遷建設，僅長蜀部分。
三坊七巷裏勢有野価歷史人物其厝，者厝都野有特色。2009年6月9號，三坊七巷當選「中國十大歷史文化名街」，得遘最価票。[1]2010年，乞定做國家4A級旅遊景區，2015年復改做5A級。中國中央電視臺著嚽塊攝過電視連續劇《三坊七巷》。
名字
[Siŭ-gāi | Gāi nguòng-mā]舊底平話裡勢盡少講「三坊七巷」這統稱。不過做景區以後，也有儂去許所是講「去三七」。
歷史
[Siŭ-gāi | Gāi nguòng-mā]
三坊七巷最早建著西晉末年八姓入閩時期。唐朝安史之亂後，南遷避難倛儂也聚居嚽呢形成蜀堆以士大夫階層、文化人爲主要居民倛街區。
敆近代，三坊七巷居住著蜀大批對當時社會歷史有重要影響倛儂，像林則徐、沈葆楨、林旭、嚴復、林覺民、林紓、林徽因、冰心等等。