冬節

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

這芘頁面裏勢有福州話特殊其漢字。部分操作系統共瀏覽器需要特殊字母共符号其支持乍會正確顯示Unicode擴展漢字，㑚是無其話，可能會顯示亂碼、方框等等。

冬節，是東亞其蜀隻傳統其節日，過其時間著冬至許蜀日。冬至是中國舊曆其廿四節氣之一。只蜀日，北半球暝晡第一長，日中第一短。

中國各地做冬節其方式各樣。北方儂一般食餃，南方儂一般食甜其乇。福州儂敆冬節食𥻵^[1]。

食乇

搓丸^{[註 1]}，也號𡅏搓𥻵^[1]。𥻵是福州乍有其食其乇。一般是冬節前蜀暝晡——也就是搓𥻵暝，大儂伲囝哥圍蜀桌^[1]，秫米粉乞搓濫去，嚽號𡅏捼粞。因爲冬節是蜀萆團團圓圓其日子，故此搓圓圓喏。之後放野灴其水𡅏煮熟，敆芝麻花生粉𡅏簸蕩𥻵，食去復甜復香。

𥻵搓好也會供神主牌前首。桌桌懸頂廮蜀隻大大其竹籮，粞搓其𥻵、10雙紅漆箸、10粒福橘、四季花等等都廮底。講究仂囝其，福橘廮臺中，仱𥻵圍𡅏福橘。總款象徵家庭團圓、多子多孫、生活罔來罔好等等。

敆福清，冬節提早蜀工做。冬節前蜀暝晡，蜀厝儂食團圓暝。

一九二九，伸儥出手。
三九四九，凍死貓狗。
五九六九，河邊看柳。
七九八九，擔衣行走。
九九聞雷，響聲持久。
——《冬九九歌》

只篇文章寫半闌下。起動汝對手維基百科將伊成唻。