茲篇文章質量霧裡去。卜想瞭解固価,起動汝點嚽塊。

銀箏斷

Chók-cê̤ṳ Wikipedia
跳至導覽 跳至搜尋

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.


演出其樣式

銀箏斷》,是閩劇其蜀本[1]。劇本是林瑞武寫其[2][3]導演安鳳英[3]

只蜀本戲是林瑞武《閩都·人傑三部曲》其尾尾蜀本,前兩本號𡅏《別妻書》《楓落寒江[4]

戲本[Siŭ-gāi | Gāi nguòng-mā]

伊何人,我何人?衹憑六禮合成,惹得今朝煩惱;生不見,死不見,但願三生有幸,再結來世姻緣!

——沈鵲應挽夫聯[5]

只蜀本戲是講「戊戌六君子林旭共伊老媽沈鵲應其故事。林旭是六君子臺中第一細其許蜀隻。[1]沈鵲應出自三坊七巷名門[1],故事也是由沈鵲應其視角展開[6]。這林旭雖然講厝裏野逼,但是盡去有才華,沈鵲應就共伊結婚了[7]。林旭仈曾裏參加科舉,僅是講無中。兩年以來,日日食酒,乇都伓做。甲午海戰,中國乞拍敗[7]。沈鵲應讓老公參加變法[7],伓通囫圇工黐留怨嘆。林旭乞皇帝賞識,但是之後變法失敗,林旭乞搦起去去,時年廿四歲[6](一說廿三歲[8])。沈鵲應仈傳,魂也䟛遘北京,跟𡅏老公行去[8]

雖然伓是歡喜其故事,但是臺中也有刺溪其話。比如第二場依貴共紫英耀沈鵲應,講「老媽討得好,伓使食補藥」。第三場林旭講皇帝聽𣍐會意自家講什乇,因爲伊腔野重。固有接落來紫英卜煮福州菜,慶祝林旭得遘皇帝賞識,就報了蜀段菜名

《銀箏斷》之前,無文藝作品共林旭當主角;沈鵲應也是盡少乞關注其名門之后:仱只本戲讓兩隻儂都做主角[9]

制作[Siŭ-gāi | Gāi nguòng-mā]

《銀箏斷》由福州市文化廣電新聞出版局策劃[2]福州閩劇藝術傳承發展中心創排[2][3]。林瑞武寫劇本[2][3],安鳳英做導演[3],陳德忠作曲、韓江做舞台視覺、王天賜做配樂、崔婉星設計舞臺美術、姚鑰設計化妝造型。國家一級演員黃秀春演沈鵲應,閩劇陳派傳人楊帥演林旭。[4]

《銀箏斷》尾尾蜀本戲,沈鵲應卜想跟𡅏伊老公行去,邊兜出現野価頌𡅏紅色衣裳𢪱𡅏水袖其女界。伊儂其腳色名直接就號𡅏「心緒」,是主人公心理其外化表現[10]

2016年開始寫劇本[8]。 2018年3月,福州閩劇藝術傳承發展中心招標舞台設備[11]

只本戲有使象征隱喻意識流等手法[1],譬喻女主人公其心靈外化、燈籠女、水袖女等等其形體展示[4],《中國新聞網》講敆嚽之前閩劇盡少總款做[1]。按導演其講法,只本戲敆整體其呈現懸頂比較寫意、現代[8]。舞臺懸頂林旭其樣式共歷史懸頂伊正正其樣式也儥蜀樣,有做調整,好讓現代觀眾接受[12]

演出[Siŭ-gāi | Gāi nguòng-mā]

福建閩劇院敆福建師範大學尾回彩排《銀箏斷》其樣式

2018年9月20號[3]遘21號,《銀箏斷》敆鳳凰劇院頭頭回演出。[2]

許蜀年10月開始,閩劇院復行出戲園,遘福州其幾芘高校裏勢巡演,先後是福建工程學院[12][13][14]閩江學院[12]福建農林大學[12][15][16]福州職業技術學院[17]福建師範大學[18][19]福建華南女子職業學院[20]。其中,敆農林大學演出之前,固有做賞析會[16]。福州閩劇院仈曾共臺江實驗小學共建個閩劇班,演員會定期去講課[12],仱就有做《銀箏斷》只隻戲齣[21]

除去學堂,《銀箏斷》固有敆各地巡演,譬喻安溪[7]莆田[22]

《銀箏斷》固有參加第七屆福建藝術節暨全省第27屆戲劇會演[4]

評價[Siŭ-gāi | Gāi nguòng-mā]

《東南網》講有做戲曲其儂見覺只蜀本戲「以男女之情寫國家興衰,舉重若輕,出戲出情」[4]

獎項共資助[Siŭ-gāi | Gāi nguòng-mā]

《銀箏斷》仈曾掏下福建省第26屆戲劇會演劇本征文一等獎[2][4],固是2014年度福建省文藝發展資助項目[2]中國文化部「2016年度劇本扶持工程入選名單」[2][4]、2017年度福建省舞台藝術精品工程重點劇目[2][4]、中國國家藝術基金2017年度大型舞台劇共作品資助項目[2][3]

參考資料[Siŭ-gāi | Gāi nguòng-mā]

  1. 1.0 1.1 1.2 1.3 1.4 新编闽剧《银筝断》福建首演 演绎林旭与沈鹊应的生死爱情. 中国新闻网. 2018-09-20. 
  2. 2.0 2.1 2.2 2.3 2.4 2.5 2.6 2.7 2.8 2.9 原创闽剧《银筝断》9月20日首演. 文广新局. 2018-09-14. (原始內容存檔着2019-03-12). 
  3. 3.0 3.1 3.2 3.3 3.4 3.5 3.6 蒋芃. 《银筝断》首演. 福建日報. 2018-09-21: (8). 
  4. 4.0 4.1 4.2 4.3 4.4 4.5 4.6 4.7 杨李超. 闽剧《银筝断》上演爱国主义赞歌. 福建日報 (东南网). 2018-11-21. 
  5. 林旭沈鹊夫妻情. 三坊七巷文史研究部. 2012-08-29. 
  6. 6.0 6.1 钱成. “银筝弦断”谁人听 “碧血诗魂”谱传奇 闽剧《银筝断》观后记. 中國戲劇. 2018, (12). ISSN 1001-8018. 
  7. 7.0 7.1 7.2 7.3 我县邀请福州闽剧艺术传承发展中心演出闽剧《银筝断》. 安溪報 (安溪新聞網). 2019-04-30. 
  8. 8.0 8.1 8.2 8.3 闽剧《银筝断》在海峡文化艺术中心上演. 央视网. 2018-11-20. 
  9. 新编闽剧《银筝断》福建首演 演绎林旭与沈鹊应的生死爱情. 新浪新闻. 2018-09-20 [2018-10-31]. 
  10. 危砖黄. 银筝断 爱不灭. 福州晚报. 2018-09-22. 
  11. 关于福州闽剧艺术传承发展中心《银筝断》舞美制作采购项目招标公告. 景鑫招标. 2018-03-16. 
  12. 12.0 12.1 12.2 12.3 12.4 闽剧《银筝断》走进农林大 文化传承走近校园学子. 中新网福建. 2018-10-21. 
  13. 福州闽剧院. 2018年10月12日,国家艺术基金资助项目闽剧《银筝断》 巡演首站亮相福建工程学院,受到师生们的欢迎。明日即13日还将继续演出,以飨师生. 新浪新闻. 2018-10-13 [2018-10-31]. 
  14. 福州闽剧院. 2018年10月13日,国家艺术基金资助项目闽剧《银筝断》 巡演第二场迎来了又一批福建工程学院的老师和同学们,演出结束,同学们纷纷拥向演员签名留念,满满“追星”既视感. 新浪微博. 2018-10-13 [2018-10-31]. 
  15. 福州闽剧院. 2018年10月19日,国家艺术基金资助项目闽剧《银筝断》 巡演第三站亮相福建农林大学。前期小型分享会正在进行中……精彩演出即将开始,欢迎同学们. 新浪微博. 2018-10-19 [2018-10-31]. 
  16. 16.0 16.1 陈瀚颖. 与中国传统艺术直接对话——闽剧《银筝断》在我校展演. 福建农林大学. 2018-10-22. 
  17. 福州闽剧艺术传承发展中心. 2018年10月19日,国家艺术基金资助项目闽剧《银筝断》 巡演第三站亮相福建农林大学。今日即将启程前往福州职业技术学院开始第四场高校巡演. 新浪微博. 2018-10-22 [2018-10-31]. 
  18. 福州闽剧院. 2018年10月31日,国家艺术基金资助项目闽剧《银筝断》 巡演,为福建师范大学的师生献艺. 新浪微博. 2018-10-31 [2018-11-01]. 
  19. 谢静杨. 高雅艺术进校园——福州闽剧艺术传承发展中心《银筝断》闽剧专场在我校演出. 福建师范大学. 2018-11-05. 
  20. 高雅艺术进校园—闽剧《银筝断》专场在我校演出. 福建华南女子职业学院. 2018-11-14. 
  21. 遇见福州. 闽剧《银筝断》将于本周五、周六倾情上演. 搜狐. 2019-03-19. 
  22. 莆田旅游. 银筝断,爱不灭,一段虐恋写尽家国爱恨!. 搜狐. 2019-03-31. 

維基共享有相關檔案:銀箏斷

闽剧《银筝断》在海峡文化艺术中心上演. 央视网. 2018-11-20.