Wikipedia:作佳圖片

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

着「作佳圖片」租塊列出來倛文章都比較俊，會中汝去覷蜀覷。 再看：Commons:Quality images。
作佳圖片
閩江是福建省第一大其河，發源着福建共江西邊界其武夷山脈，向東南流底東海。江長577公里，流域面積60,992平方公里，佔福建全省面積50%以上。南平嚽塊是上游，南平遘古田開口是中游，茲遘下底是下游。閩江有眞価支流，水量豐富，平均流量是1,980 平方公里/秒，流域面積敆全中國臺中排第12位，年平均流量排全國第七位。黃河其流域面積比閩江大11倍，不過水量囇是伊其92%。	華林寺是福建省福州其蜀隻出名其寺。者廟起著鼓樓區屏山南勢，坐北朝南，西向是福建省人民政府其大院，南向是鼓屏路共華林路其交叉墿口。華林寺起著北宋乾德2年（964年），吳越國其福州郡守鮑修讓將閩國皇帝宮殿拆唻，將拆下來其材料下遘屏山南勢起一隻廟，號𡅏「越山吉祥寺院」，者廟就是以後其華林寺。華林寺其大殿是南部中國現在保存最舊其蜀隻建築，乞中國國務院定做全國重點文物保護單位。
中洲島是福州倉山區其一隻島，着閩江其臺臺中。者島建築面積都領有7萬平方米，舊底乞儂號做「南臺明珠」，是「榕城十景」之一。解放大橋起着者島懸頂，沿橋向北行是去臺江區其中亭街，向南行是倉山其倉前。中洲島懸頂有一隻奉教堂號𡅏中洲基督教堂。島𡅏固有一隻解放大橋其水位監測站，每工記錄閩江其水位、逿雨量、水質等等數據。茲張圖片是暝晡辰候其中洲島共閩江。	三坊七巷是福州市鼓樓區南後街邊兜三條坊共七條巷其統稱。者三條坊都著南後街其西向，按由北遘南順序是衣錦坊、文儒坊、光祿坊；七條巷是楊橋巷、郎官巷、塔巷、黃巷、安民巷、宮巷、吉庇巷。三坊七巷裏勢有野価歷史人物其厝，者厝都野有特色。2009年6月9號，三坊七巷當選「中國十大歷史文化名街」，得遘最価票。2010年，乞定做國家4A級旅遊景區，2015年復改做5A級。