福州火車南站站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng. cdo:Hók-ciŭ huōi-chiă nàng-câng câng

福州火車南站站，是福州南站（高鐵站）樓下其地鐵站，敆福建省福州市倉山區，是福州地鐵1號線其臺中站共5號線其終點站。福州火車南站站敆2016年 5月18號開始使。

車站結構

站廳

福州火車南站站其站廳是蜀萆特色站廳，車站站廳其吊頂其主題色是「海絲藍」，利用了線條其造型來體現「海納百川，有容乃大」其福州城市精神共海上絲綢之路其燦爛文化。車站站廳裡勢故有蜀副漆畫藝術牆，伊其名字號「五虎雄姿」。藝術牆展示了閩江口其日出共五虎山其景色，也體現了福州深厚其漆文化底蘊。車站裡勢其廁所敆D2出入口。

站臺

福州火車南站站有兩萆站臺，都是乞1號線使其。站臺是島式站臺其設計。其中，1號站臺是去象峰，2號站臺是去三江口使其。

出入口

福州火車南站站有八萆出入口，但是目前固有兩萆出入口固無開始使，所以現在有六萆出入口敆使，無障礙電梯敆D1出入口。

爭議

敆2016年5月13號，福州地鐵1號線南段試搭其头工辰候，地鐵裡勢其站名都是使拼音「Fuzhouhuochenanzhan」表示福州火車南站其英文站名。地鐵部門總款其做法引起了市民其爭議。遘尾，敆1號線開通試營運之前，所有其英文標誌已經趁原先其全部拼音改成「Fuzhou South Railway Station」了。