𥻵

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

𥻵

𥻵，復號𡅏𥻵囝，是福州儂年年暝冬節食其蜀種甜其乇，使秫米做成，一般都無餡。𥻵其做法是乞秫米磨成粉粉，再壓遘半焦，再搓成圓圓喏其形狀，廮鼎𡅏使水煮熟，做成湯丸，食時候會使加糖粉或者豆粉。因為𥻵敆福州話裏勢其發音共「時」蜀樣，故此福州儂都相信，食𥻵時來運轉——時道就會變好。

維基新聞標誌

維基新聞相關報導：

福州儂食𥻵做冬節

民謠

維基新聞標誌

維基新聞相關報導：

羅源做送教裡村項目_舊厝傳出冬節搓𥻵歌

《搓𥻵之搓搓》是蜀首民謠，共𥻵有關係，版本野価。

•  搓𥻵之搓搓，依奶疼依哥；依哥有老媽，依弟單身哥。
•  搓丸之搓搓，依奶疼依哥；依哥有老媽，依弟單身哥。搓丸之搓搓，年年節節高；大儂添福壽，伲囝歲數多。

•  搓𥻵之搓搓，年年節節高；大儂添福壽，伲囝歲數多；紅紅水漲急，排排兄弟哥。

故有「大儂增福壽」。

•  搓𥻵之搓搓，依奶疼依哥；依哥討依嫂，依弟單身哥。依嫂带身喜，爹媽齊歡喜。伲囝哥逿落骹桶下，依哥馬上做郎罷。

故有講「伲囝逿桶下，依哥此刻做郎罷」。