東街口站

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

東街口站

東街口站，是福州地鐵1號線共福州地鐵4號線其蜀萆轉乘車站，伊敆福建省福州市鼓樓區八一七路、楊橋路共東街其下底。東街口站敆2017年1月6號開始使。

站名來源

東街口敆福州市中心，敆唐朝其辰侯號左通衢，敆宋朝其辰侯號鳳池坊，敆明朝其辰侯號東街通衢，也號左通衢，所以號東街，就有了東街口。

車站結構

站廳

東街口站其站廳

東街口站其站廳是特色車站，站臺是圓圓其，裡勢有三萆客服中心。車站裡勢其廁所敆站廳其北邊（無敆出入口）。

站臺

去象峰其1號站臺

去福州火車南站其2號站臺

東街口站有兩萆站臺，都是乞1號線使其。站臺是島式站臺其設計。其中，1號站臺是去象峰，2號站臺是去福州火車南站使其。

出入口

東街口站其B出入口

東街口站其C出入口

東街口站有四萆出入口，伊其無障礙電梯敆A出入口。其中，A出入口共D出入口其邊兜有公交車站「東街口站」，B出入口共C出入口其邊兜有公交車站「雙拋橋站」。C出入口固會直接遘東百中心。