Mìng dṳ̆ng sĕk ék
(Iù Mìng-dṳ̆ng Sĕk-ék dêng-hióng lì gì)
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
Mìng dṳ̆ng sék ék (閩中十邑), gāng-chĭng Sék ék (十邑), sê cī gô-dā̤ Muāng-chĭng sèng-âu Hók-ciŭ-hū (福州府) guāng gì 10 ciáh gâing, cŭ-uái nè̤ng gì mū-ngṳ̄ ciòng-buô dŭ sê Mìng-dĕ̤ng-ngṳ̄ gì Hók-ciŭ-uâ.
Cī 10 ciáh gâing sê:
- Mìng-gâing (閩縣)
- Âu-guăng-gâing (侯官縣)
- Hók-chiăng-gâing (福清縣)
- Diòng-lŏ̤h-gâing (長樂縣)
- Lò̤-nguòng-gâing (羅源縣)
- Mìng-chiăng-gâing (閩清縣)
- Īng-hók-gâing (永福縣)
- Kŭ-chèng-gâing (坵塍縣, hĕ̤k-ciā 古田縣)
- Bìng-nàng-gâing (屏南縣)
Gì-dṳ̆ng, Mìng-gâing gâe̤ng Âu-guăng-gâing gĭng-dáng ī-gĭng hăk siŏh-dŏi siék Mìng-âu-gâing; Bìng-tàng-dō̤ téng Hók-chiăng diē-sié uăk chók lì siék Bìng-tàng-gâing; Hók-chiăng gâe̤ng Diòng-lŏ̤h gāi siàng Hók-ciŭ gì siŏh ciáh gâing-ngék-chê; Īng-hók gāi miàng hô̤ lā̤ Īng-tái; Bìng-nàng gâe̤ng Kŭ-chèng 2 ciáh gâing gĭng-dáng sṳ̆k Nìng-dáik guāng, bók-guó hŭ-uái gì nè̤ng gô sê nêng-dùng Hók-ciŭ gì ùng-huá.
 | ||
1: Âu-guăng gâe̤ng Mìng-gâing gĭng-dáng gāi siàng Mìng-âu-gâing. 2: Diòng-lŏ̤h gĭng-dáng gāi siàng gâing-gék-chê. 3: Hók-chiăng gĭng-dáng sê gâing-gék-chê, Bìng-tàng-dō̤ téng ĭ diē-sié buŏng chók lì siék Bìng-tàng-gâing. 4: Īng-hók gĭng-dáng gāi miàng hô̤ lā̤ Īng-tái | ||