Hók-chiăng

Chók-cê̤ṳ Wikipedia
跳至導覽 跳至搜尋
"Hók-chiăng" sê siŏh piĕng Bàng-uâ-cê ùng-ciŏng, buóh ché̤ṳ Háng-cê bēng-buōng "福清", dók cē̤-nē̤.
Hók-chiăng-chê
福清市
—  Gâing-ngék-chê  —
Hók-chiăng chê-kṳ̆ gì Lṳ̀ng-gĕ̤ng (龍江)
Hók-chiăng chê-kṳ̆ gì Lṳ̀ng-gĕ̤ng (龍江)
Hók-chiăng găk Hók-ciŭ gì sū-câi. gì ôi-dé
Hók-chiăng găk Hók-ciŭ gì sū-câi.
Hók-chiăng-chê găk Hók-gióng
Hók-chiăng-chê
Hók-chiăng-chê
Hók-chiăng găk Hók-gióng
Cô̤-biĕu: 25°43′N 119°23′E / 25.717°N 119.383°E / 25.717; 119.383Cô̤-biĕu: 25°43′N 119°23′E / 25.717°N 119.383°E / 25.717; 119.383
Guók-gă  Dṳ̆ng-guók
Sēng Hók-gióng
Dê-ngék-chê Hók-ciŭ
Miêng-cék
 - Sū-iū 2,430 km2
Ìng-kēu (2016)
 - Sū-iū 1,358,676 nè̤ng
 - Mĭk-dô 559.1/km2
Iù-céng biĕng-mā 350181
Uōng-câng www.fuqing.gov.cn

Hók-chiăng-chê (福清市) sê Hók-ciŭ gì siŏh bĭk gâing-ngék-chê, găk Mìng-dĕ̤ng iòng-hāi, Diòng-lŏ̤h nàng-buô, Buò-dièng báe̤k-buô. Hók-chiăng biék-chĭng có̤ Ngṳ̆k-ṳ̀ng (玉融).

Lĭk-sṳ̄[Siŭ-gāi | Gāi nguòng-mā]

Hók-chiăng ô cêng dòng gì gióng-cié lĭk-sṳ̄. Dòng-dièu ī-sèng, Hók-chiăng sĕng-hâiu sṳ̆k Iòng-ciŭ (扬州), Gói-kiĕ (會稽), Mìng-ciŭ (閩州), Cuòng-ciŭ (泉州) gâe̤ng Diòng̤-lŏ̤h (長樂) dēng hū-gâing guāng-hăk. Gŭng-nguòng 699 nièng, sék Diòng-lŏ̤h-gâing nàng-huŏng báik hiŏng dé Uâng-ăng-gâing (萬安縣), iù-sê Hók-chiăng lĭk gâing, sṳ̆k Cuòng-ciŭ. Cĭ hâiu siŏh-chiĕng-nê-báik nièng găng, Hók-chiāng dŏ̤-ché̤ṳ gāi-mièng, giéu guó Īng-chiŏng-gâing (永昌縣), Hók-dòng-gâing (福唐縣) dēng-dēng, ék-dĭk bō̤-liù gâing gì gióng-cié. 933 nièng, Hók-ciŭ sĭng có̤ Diòng-lŏ̤h-hū, gŏng-gé̤ṳ „Săng cê̤ṳ īng-hók diē lì, cūi cê̤ṳ chiăng-nguòng diē lì“ (山自永裏來, 水自源裏來) siŏh guó uâ, gáuk chṳ̄ "īng-hók diē" gâe̤ng "chiăng-nguòng diē" gì siŏh cê, gāi Hók-dòng-gâing có̤ Hók-chiăng-gâing (福清縣), iù-sê Hók-chiăng gâing-miàng ké̤ṳk lĭk-dâi iòng-ê̤ṳng. 1990 nièng, Hók-chiăng-gâing sĭng Hók-chiăng-chê.

Hèng-chéng kṳ̆-mĭk[Siŭ-gāi | Gāi nguòng-mā]

Hók-chiăng dê-dù

Hók-chiăng-chê guāng-hăk 17 bĭk déng, gé diŏh â-dā̤:

Chók-miàng gì gièu-hiŏng[Siŭ-gāi | Gāi nguòng-mā]

Hók-chiăng sê chók-miàng gì gièu-hiŏng. Ĭng-ôi lĭk-sṳ̄, dê-lī dēng nguòng-ĭng, Hók-chiăng-nè̤ng gáu nguôi-guók mèu-sĕng gì lĭk-sṳ̄ giū-uōng. Gĭng-dáng-nĭk Hók-chiăng-iô gì Huà-ìng Huà-gièu biêng-buó Nàng̤-iòng, Nĭk-buōng, Mī-guók, Ĕu-ciŭ dēng cêng sâ̤ guók-gă gâe̤ng dê-kṳ̆.