Lṳ̀ng-ngàng
Lṳ̀ng-ngàng-chê | |
— Dê-ngék-chê — | |
龙岩市 | |
![]() |
|
Lṳ̀ng-ngàng găk Dṳ̆ng-guók gì sū-câi. | |
Cô̤-biĕu: 25°05′N 117°01′E / 25.083°N 117.017°E | |
Guók-gă | ![]() |
---|---|
Sēng | Hók-gióng |
Miêng-cék | |
- Dŭ-liāng | 19,069 km2 |
Ìng-kēu (2010) | |
- Dŭ-liāng | 2,559,545 nè̤ng |
Uōng-câng | www.longyan.gov.cn |
Lṳ̀ng-ngàng (龍岩, Káh-gă-ngṳ̄: Liùng-ngàm, Mìng-nàng-ngṳ̄: Lêng-nâ) sê Hók-gióng-sēng să̤-buô gì dê-gék-chê. Ĭ báe̤k-buô sê Săng-mìng, dĕ̤ng-buô sê Cuòng-ciŭ, dĕ̤ng-nàng-buô sê Ciŏng-ciŭ, să̤-buô sê Gŏng-să̤-sēng, nàng-buô sê Guōng-dĕ̤ng-sēng.
Hèng-céng dăng-ôi[Siŭ-gāi | Gāi nguòng-mā]
Lṳ̀ng-ngàng-chê ô 1 bĭk kṳ̆, 1 bĭk gâing-gék-chê gâe̤ng 5 bĭk gâing:
- Sĭng-lò̤-kṳ̆ (新羅區)
- Ciŏng-bìng-chê (漳平市)
- Diòng-tĭng-gâing (長汀縣)
- Īng-dêng-gâing (永定縣)
- Lièng-siàng-gâing (連城縣)
- Siông-hòng-gâing (上杭縣)
- Ū-bìng-gâing (武平縣)
Lĭk-sṳ̄[Siŭ-gāi | Gāi nguòng-mā]
Gĭng-dáng-nĭk gì Lṳ̀ng-ngàng dê-kṳ̆ găk 736 nièng sèng-âu sê Tĭng-ciŭ (汀州), guāng-hăk Diòng-tĭng-gâing (長汀縣), Uòng-lièng-gâing (黃連縣) gâe̤ng Sĭng-lò̤-gâing (新羅縣). Ĭng-ôi diŏh Sĭng-lò̤-gâing ô siŏh ciáh dê-huŏng hô̤ lō̤ "Lṳ̀ng-ngàng-dâe̤ng" (龍岩洞), gó-chṳ̄ 742 nièng Tĭng-ciŭ cêu gāi miàng có̤ Lṳ̀ng-ngàng lāu.
Gū-cā Dṳ̆ng-guók báe̤k-huŏng ô ciéng-luâng, cêng sâ̤ báe̤k-huŏng gì Háng-cŭk-nè̤ng cāu-huāng gáu Lṳ̀ng-ngàng dê-kṳ̆, ĭ-gáuk-nè̤ng cêu sê Káh-gă-nè̤ng. Diòng-tĭng ké̤ṳk nêng-ùi sê Káh-nè̤ng gì chió, Tĭng-gĕ̤ng (汀江) ké̤ṳk chĭng có̤ Káh-nè̤ng gì mū-chĭng-ò̤.