Nàng-bìng

Nàng-bìng

Hèng-céng-kṳ̆ lôi-biék	Dê-gék-chê
Miêng-cék	26,300 km²
Ìng-kēu	286 uâng
Ìng-gĭng GDP	¥11265 (2004 nièng)
Mìng-cŭk	Háng
Ngṳ̄-ngiòng	Mìng-báe̤k-uâ gâe̤ng Pū-tŭng-uâ

Nàng-bìng (南平) sê Hók-gióng-sēng báe̤k-buô gì dê-gék-chê, sê Hók-gióng miêng-cék dék duâi gì siàng-chê. Ĭ dĕ̤ng-buô sê Nìng-dáik, nàng-buô sê Săng-mìng, báe̤k-buô sê Ciék-gŏng-sēng, să̤-buô sê Gŏng-să̤-sēng.

Hèng-céng dăng-ôi

Nàng-bìng-chê ô 1 bĭk kṳ̆, 4 bĭk gâing-gék-chê, gâe̤ng 5 bĭk gâing.

• Iòng-bìng-kṳ̆ (延平區)
• Siêu-ū-chê (邵武市)
• Ū-ì-săng-chê (武夷山市)
• Gióng-ĕu-chê (建甌市)
• Gióng-iòng-chê (建陽市)
• Céng-huò-gâing (政和縣)
• Guŏng-dĕk-gâing (光澤縣)
• Puō-siàng-gâing (浦城縣)
• Sông-chiŏng-gâing (順昌縣)
• Sṳ̀ng-kă̤-gâing (松溪縣)

Lĭk-sṳ̄

Háng-dièu chĕ̤-gĭ, Nàng-bìng sṳ̆k Nàng-uŏk-guók. Háng Gióng-ăng (建安) Nguòng-nièng (196 nièng) siék Nàng-bìng-gâing, é-sé̤ṳ cêu sê "bìng-dêng nàng-huŏng". Să̤-céng tái-kŏng chĕ̤-nièng gāi miàng Iòng-bìng-gâing (延平縣). Dòng-dièu Ū-dáik (武德) Săng-nièng (620 nièng) siék Iòng-bìng-gŭng. Ngū-dô̤i chĭng Iòng-bìng-déng. Sóng-dièu chĭng Giéng-puō-gâing (劍浦縣). Nguòng-dièu Dâi-dáik (大德) Lĕ̤k-nièng (1302 nièng) bô chĭng Nàng-bìng-gâing. 1912 nièng chṳ̄-siĕu gâing siék Iòng-bìng-hū, 1913 nièng bô siék Nàng-bìng-gâing. 1956 nièng siék Nàng-bìng-chê.