Wikipedia:Dŏng-nièng gĭng-dáng/6 nguŏk
跳至導覽
跳至搜尋
Chăng-kō̤ Mìng-dĕ̤ng-ngṳ̄ Háng-cê gì bēng-buōng. / 參考閩東語漢字其版本。
gĭng-dáng sê 2023 nièng 06 nguŏk 3 hô̤. (sáuk-sĭng)
6 nguŏk nĭk-lĭk
| LB | B1 | B2 | B3 | B4 | B5 | B6 |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
Áng nguŏk káng: |
|---|
|
1 nguŏk · 2 nguŏk · 3 nguŏk · 4 nguŏk · 5 nguŏk · 6 nguŏk · 7 nguŏk · 8 nguŏk · 9 nguŏk · 10 nguŏk · 11 nguŏk · 12 nguŏk
|
6 nguŏk duâi-dâi
- 1980 nièng: CNN găk Mī-guók Atlanta ciáng-sék kăi-sṳ̄ bó̤.
- 1998 nièng Ĕu-ciŭ Dṳ̆ng-iŏng Ngṳ̀ng-hòng sìng-lĭk.
- 2001 nièng: Nepal guók-uòng Birendra dēng-dēng gì uòng-sék iā sâ̤ sìng-uòng ké̤ṳk tái-cṳ̄ Dipendra kĕk chiŏng tài sī (Nepal Uòng-sék Dù-sák).
- 2003 nièng: Dṳ̆ng-guók Diòng-gĕ̤ng gì Săng-hiĕk Tì-bá(dù) kăi-sṳ̄ sāi.
- 455 nièng: Vandal Uòng-guók páh gáu Lò̤-mā, chiōng-giék lâng lā̤-bái.
- 1896 nièng: É-dâi-lé huák-mìng-gă Guglielmo Marconi găk Ĭng-guók dáik gáu ù-siáng-diêng gé-sŭk gì ciŏng-lé.
- 1953 nièng: Ĭng-guók nṳ̄-uòng Elizabeth 2-sié(dù) găk Lùng-dŭng gì Westminster Siŭ-dô̤-iêng ciáng-sék dĕng-gĭ.
- 1979 nièng: Gáu-huòng Ioannes Paulus 2-sié huōng-ông ĭ gì cū-guók Pŏ̤-làng. Ĭ sê tàu ciáh huōng-ông Gê̤ṳng-sāng-ciō-ngiê guók-gă gì gáu-huòng.
- 1621 nièng: Hò̤-làng gióng-lĭk Hò̤-làng Să̤ Éng-dô Gŭng-sĭ, ké̤ṳk ĭ găk Caribe dê-kṳ̆ mâiu-ĭk gì dĕk-guòng.
- 1839 nièng: Muāng-chĭng gì kĭng-chă̤ dâi-sìng Lìng Cáik-sṳ̀ găk Guōng-dĕ̤ng gì Hū-muòng gŭng-kăi siĕu-hūi Ĭng-guók sĕng-lī-nè̤ng hâ lì mâ gì ă-piéng(dù), có̤i-cṳ̆ng īng-kī Ă-piéng Ciéng-cĕng.
- 1950 nièng: Huák-guók dĕng-săng-gă Maurice Herzog gâe̤ng Louis Lachenal bà Annapurna Hŭng sìng-gŭng dák-dīng, cuòi sê ìng-lôi lĭk-sṳ̄ siông tàu huòi bà 8,000 mī ī-siông gì săng dák-dīng.
- 2006 nièng: Montenegro téng Serbia gâe̤ng Montenegro dŭk-lĭk.
- 1644 nièng: Lī Cê̤ṳ-sìng ké̤ṳk Ngù Săng-gié gâe̤ng Muāng-chĭng gì buô-dŏi dṳ̆k chók Báe̤k-gĭng.
- 1839 nièng: Huòng-gŭ-dòng Sê̤ṳ-giông: Dṳ̆ng-guók Hông-hiê gŭng-huăk Diŏng Cáuk-lìng diŏh Sīng-iòng gì Huòng-gŭ-dòng ké̤ṳk Nĭk-buōng Guăng-dĕ̤ng-gŭng sāi cá-dâng cá sī.
- 1942 nièng: Midway Hāi-ciéng: Nĭk-buōng puái hāi-gŭng kó̤ páh Mī-guók gì Midway-dō̤.
- 1989 nièng: Lĕ̤k-sé Sê̤ṳ-giông: Dṳ̆ng-guók Ìng-mìng Gāi-huóng-gŭng gì tāng-káik kŭi gáu Tiĕng-ăng-muòng Guōng-diòng, ciŏng diŏh hŭ-uái káung-ngiê sê-ŭi gì nè̤ng ciòng-buô dṳ̆k kó̤(dù)
- 1644 nièng: Muāng-chĭng buô-dôi ciéng-liāng Báe̤k-gĭng, gáu-muōi-lāu ciŏng Báe̤k-gĭng diâng có̤ Muāng-chĭng gì siū-dŭ.
- 1916 nièng: Huāng-dó̤i Osman Dá̤-guók tūng-dê gì Ā-lá-báik Kī-ngiê(dù) báuk-huák.
- 1947 nièng: Mī-guók guók-ô-kĭng George C. Marshall găk Harvard Dâi-hŏk iēng-gōng gì sèng-âu tàu huòi tì-chók Mī-guók dó̤i-chiū Ĕu-ciŭ tṳ̀ng-gióng gì Marshall Gié-hĕk.
- 1967 nièng: Ī-sáik-liĕk huák-dông cĕng-dó̤i Ăi-gĭk, Iók-dáng, Sê̤ṳ-lé-ā gì Lĕ̤k-gĕ̤ng Ciéng-cĕng, có̤i-cṳ̆ng ciéng-liāng Dĕ̤ng Ià-lô-sák-lēng, Golan Gŏ̤-dê, Sinai Buáng-dō̤, Gaza Dê-kṳ̆ gâe̤ng Iók-dáng-ò̤ să̤-gièng.
- 1683 nièng: Ĭng-guók Oxford Dâi-hŏk â-dā̤ gì Ashmolean Báuk-ŭk-guāng(dù) ciáng-sék kăi-huóng, ciā báuk-ŭk-guāng sê Ĭng-ngṳ̄ sié-gái tàu ciáh dâi-hŏk báuk-ŭk-guāng.
- 1752 nièng: Moskva sék-huōi, siàng-kṳ̆ ké̤ṳk huōi siĕu lâi.
- 1844 nièng: Gĭ-dók-gáu Chĭng-nièng-huôi (YMCA) sìng-lĭk.
- 2020 nièng: Gŏ̤-hṳ̀ng chê-diōng Hàng Guók-ṳ̀ ké̤ṳk dàu-piéu bâ-miēng, ĭ sê Dài-uăng lĭk-sṳ̄ siông tàu ciáh ké̤ṳk dàu-piéu bâ-miēng gì dĭk-hăk-chê chê-diōng.
- 1654 nièng: Louis 14-sié(dù) ciáng-sék dĕng-gĭ có̤ Huák-guók guók-uòng.
- 1929 nièng: É-dâi-lé gâe̤ng Lò̤-mā gáu-dìng chiĕng-dêng Laterano Dèu-iók, É-dâi-lé sìng-nêng gáu-huòng găk Vaticano gióng-lĭk ciō-guòng guók-gă.
- 1938 nièng: Dṳ̆ng-huà Mìng-guók liāng-dô̤-ìng Ciōng Gái-sĭk mêng-lêng diŏh Uòng-ò̤ gì Huă-huòng-kāu cá lâi tì-bá cū-cīng Nĭk-buōng bĭng, cī huòi huák-kă̤-cūi báh-sáng dŭ-liāng sĕng--kó̤ chă-bók-dŏ̤ ô 9 uâng nè̤ng.
- 1981 nièng: Ī-sáik-liĕk kŭng-gŭng chók-dông 14 gá hĭ-gĭ cá lâi Iraq siū-dŭ Baghdad hô-gê̤ṳng gì hŏk-huāng-éng-dŏi.
_-_%D8%A3%D8%A8%D9%88_%D8%A8%D9%83%D8%B1_%D8%A7%D9%84%D8%B5%D8%AF%D9%8A%D9%82_%D8%B9%D8%A8%D8%AF_%D8%A7%D9%84%D9%84%D9%87_%D8%A8%D9%86_%D8%B9%D8%AB%D9%85%D8%A7%D9%86_%D8%A7%D9%84%D8%AA%D9%8A%D9%85%D9%8A_%D8%A7%D9%84%D9%82%D8%B1%D8%B4%D9%8A_%D8%A3%D9%88%D9%84_%D8%A7%D9%84%D8%AE%D9%84%D9%81%D8%A7%D8%A1_%D8%A7%D9%84%D8%B1%D8%A7%D8%B4%D8%AF%D9%8A%D9%86.svg)
- 632 nièng: Abu Bakr(dù) găk Medina sêu gáu tŏi-gṳ̄, dŏng-sōng tàu ciáh Khalifah.
- 1949 nièng: Ĭng-guók cáuk-gă George Orwell siā gì siēu-siók 1984 găk Lùng-dŭng tàu huòi chók-bēng.
- 1995 nièng: Gă-nā-dâi tiàng-sê̤ṳ-uòng Rasmus Lerdorf huák-buó PHP gì tàu ciáh bēng-buōng.
- 2021 nièng: El Salvador ciáng-sék ciŏng Bitcoin diâng có̤ huák-dêng huó-bê, ciā guók iâ sê sié-gái siông tàu ciáh ciŏng Bitcoin diâng có̤ huák-dêng huó-bê gì guók-gă.
- 68 nièng: Lò̤-mā Dá̤-guók huòng-dá̤ Nero(dù) cê̤ṳ-sák.
- 1898 nièng: Muāng-chĭng gâe̤ng Ĭng-guók chiĕng-dêng Diēng-táuk Hiŏng-gē̤ng Gái-cī Ciŏng-dèu, ciŏng Sĭng-gái ciók ké̤ṳk Ĭng-guók, cĭ hâiu ciā dê-huŏng iù Ĭng-guók liāng Hiŏng-gē̤ng guāng-lī.
- 1928 nièng: Dṳ̆ng-huà Mìng-guók Dṳ̆ng-iŏng Ngiēng-géu-iêng sìng-lĭk.
- 1934 nièng: Mī-guók uâ-gă Walter Disney uâ gì Donald Duck găk Walt Disney Gŭng-sĭ gì dông-uâ-piéng diē-sié tàu huòi chók-hiêng.
- 1190 nièng: Sìng-séng Lò̤-mā Dá̤-guók huòng-dá̤ Friedrich 1-sié(dù) găk Anatolia dâung gáu Göksu Ò̤ lā̤ ké̤ṳk cūi céng sī.
- 1846 nièng: California téng Mĕ̤k-să̤-gŏ̤ dŭk-lĭk.
- 1943 nièng: Gê̤ṳng-sāng Guók-cié ciáng-sék gāi-sáng.
- 1943 nièng: Hṳ̆ng-ngà-lé huák-mìng-gă Bíró László gâe̤ng Bíró György găk Argentina sĭng-chiāng gáu nguòng-cṳ̄-bék gì ciŏng-lé.
- 1748 nièng: Dăng-măh ciŏng Báe̤k Ĕu Sĕk-cê diâng có̤ guók-gì(dù).
- 1898 nièng: Muāng-chĭng Guŏng-sê̤ṳ Huòng-dá̤ kăi-sṳ̄ Muô-sáe̤k Biéng-huák.
- 1937 nièng: Duâi Chĭng-sā̤, Sŭ-lièng tài sī 8 ciáh buô-dôi gŏ̤-ngék liāng-dô̤, bău-guák Mikhail Tukhachevsky.
- 1963 nièng: Huò-siông Thích Quảng Ðức bók-muāng Uŏk-nàng Gê̤ṳng-huò-guók céng-hū gì huāng-hŭk-gáu céng-cháik, găk Sài Gòn bóng huōi siĕu sī cê-gă.
- 1429 nièng: Jeanne d'Arc gâe̤ng Jean 2-sié dái-liāng Huák-guók buô-dôi găk Jargeau páh iàng Ĭng-gáik-làng buô-dôi.
- 1560 nièng: Imagawa Yoshimoto găk Okehazama cĭ Ciéng dài-dŏng ké̤ṳk Oda Nobunaga gì buô-hâ tài sī(dù).
- 1990 nièng: Ngò̤-lò̤-sṳ̆ Có̤i-gŏ̤ Sŭ-mì-ăi ciō-sĭk Boris Yeltsin sŏng-buó hŭi-hŭk Ngò̤-lò̤-sṳ̆ ciō-guòng.
- 2018 nièng: Mī-guók cūng-tūng Donald Trump gâe̤ng Báe̤k Dièu-siēng có̤-gŏ̤ liāng-dô̤-ìng Kim Jong-un găk Sĭng-gă-pŏ̤ giéng-méng.
- 313 nièng: Lò̤-mā Dá̤-guók huòng-dá̤ Constantinus 1-sié gâe̤ng Licinius găk É-dâi-lé Milan huák-buó ṳ̄ng-hṳ̄ hông Gĭ-dók-gáu gì mêng-lêng.
- 1525 nièng: Dáik-guók cŭng-gáu gāi-gáik ông-dông-gă Martin Luther(dù) mò̤-chák Lò̤-mā-tiĕng-ciō-gáu gì sìng-hô mâ̤ sāi giék-huŏng gì giĕ-dêng, gâe̤ng Katharina von Bora giék-huŏng.
- 1777 nièng: Mī-guók Dŭk-lĭk Ciéng-cĕng: Huák-guók buô-dôi găk South Carolina dĕng-lṳ̆k, dó̤i-chiū Mī-guók dó̤i-káung Ĭng-guók.
- 1898 nièng: Yukon gă diē Gă-nā-dâi.
- 1645 nièng: Ĭng-guók Nô̤i-ciéng: Thomas Fairfax gâe̤ng Oliver Cromwell dái-liāng Ĭng-guók Guók-huôi gì buô-dôi găk Naseby páh iàng guók-uòng Charles 1-sié gì buô-dôi.
- 1777 nièng: Mī-guók Dâi-lṳ̆k Huôi-ngiê giók-dêng găk Mī-guók dŭk-lĭk ī-hâiu kĕk "sĭng-dèu-gì"(dù) có̤ Mī-guók guók-gì.
- 1900 nièng: Mī-guók miĕk lâi Hawaii Gê̤ṳng-huò-guók, ciŏng ciā guók gāi siàng Mī-guók gì Hawaii Liāng-tū.
- 1966 nièng: Gáu-huòng Paulus 6-sié giók-dêng hié-dṳ̀ Géng-cṳ̆ Mŭk-liŏh.
.JPG)
- 1215 nièng: Ĭng-gáik-làng guók-uòng John chiĕng-dêng Dâi-hiēng-chiŏng, ciā huák-lŭk âing-cié uòng-sék gì ciŏk-dó̤i guòng-lĭk.
- 1672 nièng: Hò̤-làng ciŏng cūi-căk kŭi kī, mĭk lâi siū-dŭ Amsterdam, biê-miēng ké̤ṳk Huák-guók ciéng-liāng.
- 1949 nièng: Dṳ̆ng-huà Mìng-guók kăi-sṳ̄ huák-hèng Sĭng-dài-bê.
- 1952 nièng: Maya ùng-huá Palenque guók-uòng Kʼinich Janaabʼ Pakal gì muó(dù) ké̤ṳk nè̤ng huák-hiêng.
- 1407 nièng: Mìng-dièu Dâi-ngṳ̀ Ciéng-cĕng: Mìng-dièu ciŏng Dâi-ngṳ̀ (gĭng-dáng Uŏk-nàng) tái-siông-huòng Hồ Quý Ly, ĭ gì giāng huòng-dá̤ Hồ Hán Thương dŭk niăh diŏh.
- 1779 nièng: Să̤-băng-ngà ùi-gŭng Ĭng-guók ciéng-liāng gì Gibraltar.
- 1903 nièng: Mī-guók gĕ̤ng-tiàng-sṳ̆ Henry Ford găk Michigan gì Detroit gióng-lĭk Ford Gŭng-sĭ, kăi-sṳ̄ sĕng-sāng ké-chiă.
- 1963 nièng: Sŭ-lièng tái-kŭng-ìng Valentina Tereshkova(dù) sô̤i Vostok 6 gáu tái-kŭng, ĭ iâ sê sié-gái tàu ciáh diē tái-kŭng gì nṳ̄ tái-kŭng-ìng.
- 1397 nièng: Dăng-măh, Sôi-diēng, Nò̤-ŭi cū-siàng Kalmar Lièng-mèng.
- 1967 nièng: Dṳ̆ng-guók tàu ciáh kĭng-dâng sìng-gŭng ché báuk-cá.
- 1971 nièng: Mī-guók gâe̤ng Nĭk-buōng chiĕng-dêng Okinawa Huāng-huàng Hiĕk-dêng, giók-dêng ciŏng â siŏh nièng ciŏng Okinawa iè-gău ké̤ṳk Nĭk-buōng.
- 1972 nièng: Watergate Sê̤ṳ-giông: Mī-guók Gê̤ṳng-huò-dōng puái 5 ciáh dĕk-gĕ̤ng kó̤ găk Watergate(dù) gì Mìng-ciō-dōng cūng-buô tău-dò̤-nó̤h ké̤ṳk nè̤ng niăh--kó̤.
- 1812 nièng: Mī-guók hióng Ĭng-guók sŏng-ciéng, 1812 nièng Ciéng-cĕng báuk-huák.
- 1815 nièng: Napoléon Bonaparte gì Huák-guók buô-dôi găk Waterloo ké̤ṳk Ĭng-guók, Puō-lū-sê̤ṳ lièng-gŭng páh suŏ--kó̤(dù).
- 1942 nièng: Mī-guók kăi-sṳ̄ ngiēng-géu nguòng-cṳ̄-dâng gì Manhattan Gié-hĕk.
- 1953 nièng: Ăi-gĭk hié-dṳ̀ gŭng-ciō-cié-dô, gāi siàng siŏh ciáh gê̤ṳng-huò-guók.
- 1885 nièng: Cê̤ṳ-iù Nṳ̄-sìng-chiông téng Huák-guók hâ gáu Mī-guók.
- 1867 nièng: Mĕ̤k-să̤-gŏ̤ huòng-dá̤ Maximiliano 1-sié găk Santiago de Querétaro ké̤ṳk chiŏng-bé(dù).
- 1961 nièng: Kuwait téng Ĭng-guók dŭk-lĭk.
- 2014 nièng: Să̤-băng-ngà guók-uòng Juan Carlos 1-sié tó̤i-ôi, iù ĭ gì giāng Felipe 6-sié gié-ôi.
- 1180 nièng: Nĭk-buōng gì Genpei Ciéng-cĕng báuk-huák.
- 1837 nièng: Ĭng-guók guók-uòng William 4-sié guó-sié, ĭ cṳ̆-ngiòng-giāng Victoria Nṳ̄-uòng(dù) gié-ôi.
- 1863 nièng: West Virginia gă diē Mī-guók, biéng-siàng Mī-guók gì dâ̤ 35 ciáh ciŭ.
- 2003 nièng: Wikimedia găk Mī-guók Florida St. Petersburg sìng-lĭk.
- 1582 nièng: Oda Nobunaga găk Honnō Sê ké̤ṳk ĭ gì buô-hâ Akechi Mitsuhide bău-ùi(dù), găk ciā sê lā̤ cê̤ṳ-sák.
- 1900 nièng: Ngiê-huò-tuàng cĭ luâng: Muāng-chĭng gì Cṳ̀-hĭ Tái-hâiu sŏng-buó hióng Mī-guók, Ĭng-guók, Dáik-guók, Huák-guók, Nĭk-buōng dēng-dēng 11 ciáh guók-gă kŭi-ciéng.
- 1942 nièng: Dâ̤-nê-ché̤ṳ Sié-gái Dâi-ciéng: Erwin Rommel dáik-liāng Nazi Dáik-guók buô-dôi găk Hĭ-ciŭ páh iàng Mèng-gŭng, ciéng-liāng Tobruk.
- 1985 nièng: Greenland ciáng-sék cié-dêng chók cê-gă gì guók-gì.
- Sèng 168 nièng: Lucius Aemilius Paulus Macedonicus dái-liāng Lò̤-mā Gê̤ṳng-huò-guók buô-dôi găk Pydna páh iàng Mā-gì-dóng Uòng-guók, Dâ̤ 3 ché̤ṳ Mā-gì-dóng Ciéng-cĕng giék-sók.
- 1941 nièng: Nazi Dáik-guók puái bĭng 120 ciáh sṳ̆ kó̤ páh Sŭ-lièng, Barbarossa Ciéng-ĭk kăi-sṳ̄.
- 1978 nièng: Mī-guók tiĕng-ùng-hŏk-gă James W. Christy huák-hiêng Mìng-uòng-sĭng gì ôi-sĭng Charon.
- 1986 nièng: Argentina kă-giù ông-dông-uòng Diego Maradona găk 1986 nièng FIFA Sié-gái-buŏi kĕk chiū páh diē "Siông-dá̤ cĭ Chiū"(dù), có̤i-cṳ̆ng Argentina ī 2:1 iàng--kó̤ Ĭng-gáik-làng dôi.
- 1757 nièng: Robert Clive dái-liāng Ĭng-guók Dĕ̤ng Éng-dô Gŭng-sĭ gì buô-dôi găk Plassey páh iàng Siraj ud-Daulah gì Bengal buô-dôi.
- 1887 nièng: Gă-nā-dâi Guók-huôi giók-dêng gióng-lĭk Banff Guók-gă Gŭng-huòng.
- 1894 nièng: Huák-guók nè̤ng Pierre de Coubertin găk Bă-là̤ huák-kī sìng-lĭk Guók-cié Olympic Ūi-uòng-huôi.
- 1968 nièng: Huák-guók ciĕ-tì gê̤ṳng-sāng-ciō-ngiê gì Ngô-nguŏk Ông-dông(dù) ké̤ṳk céng-hū déng-ák.
.jpg)
- 109 nièng: Lò̤-mā Dá̤-guók huòng-dá̤ Traianus ciō-tì gŭk gì Traianus Gṳ̀ ciáng-sék gŭk hō̤. Ciā gṳ̀ ciŏng Bracciano Hù gì cūi īng gáu Lò̤-mā lì sāi.
- 1571 nièng: Miguel López de Legazpi gióng-lĭk gĭng-dáng Hĭ-lĭ-pĭng gì siū-dŭ Manila.
- 1622 nièng: Hò̤-làng nè̤ng kó̤ dŏk Buò-dò̤-ngà liāng Ó̤-muòng, dáng-sê sék-bâi.
- 1989 nièng: Dṳ̆ng Gê̤ṳng 13 gái 4 Dṳ̆ng Ciòng Huôi giók-dêng miēng--kó̤ Diêu Ciē-iòng(dù) gì cūng-cṳ̆-gé cék-ô, sōng-gṳ̄ Gŏng Dĕk-mìng có̤ cūng-cṳ̆-gé.
- 1788 nièng: Virginia gă diē Mī-guók.
- 1876 nièng: Crazy Horse dái-liāng nguòng-cê̤ṳ-mìng găk Little Bighorn ciòng-miĕk George Armstrong Custer liāng-dô̤ gì Mī-guók lṳ̆k-gŭng dâ̤ 7 kì-bĭng-tuàng.
- 1900 nièng: Uòng Uòng-lṳ̆k găk Mŏk-gŏ̤-káuk huák-hiêng cêng sâ̤ gĭng-cṳ̆ dēng-dēng gū-cék(dù).
- 1950 nièng: Dièu-siēng Ìng-mìng-gŭng diŏh màng-buŏ săng-mŭk-siŏh-sì chiŏng-guó Săng-báik-siáng dó̤i-méng kó̤ páh Hàng-guók, Dièu-siēng Ciéng-cĕng báuk-huák.
- 1541 nièng: Să̤-băng-ngà sĭng-mìng-dê Nueva Castilla (Peru) gì hó-uòng Francisco Pizarro(dù) găk Lima ké̤ṳk nè̤ng áng-sák.
- 1886 nièng: Huák-guók huá-hŏk-gă Henri Moissan sìng-gŭng hŭng-liê chók huá-hŏk nguòng-só Hók (F), ĭng-ôi cuòi dáik gáu Nobel Huá-hŏk Ciōng.
- 1907 nièng: Ngò̤-lò̤-sṳ̆ gì Bolshevik gáik-mêng-ciā téng Tbilisi siŏh gă ngṳ̀ng-hòng chiōng-giék gáu 341,000 ruble gì cièng.
- 1945 nièng: 50 ciáh guók-gă chăng-gă Lièng-hăk-guók huôi-ngiê gì dâi-biēu găk Mī-guók San Francisco chiĕng-dêng Lièng-hăk-guók Hiēng-chiŏng.
- 1858 nièng: Muāng-chĭng gâe̤ng Huák-guók chiĕng-dêng Tiĕng-cĭng Dèu-iók, diē-sié gì nô̤i-ṳ̀ng sìng-nêng ă-piéng â̤ sāi cê̤ṳ-iù mā̤-mâ.
- 1967 nièng: Ĭng-guók gì ngṳ̀ng-hòng Barclays găk Lùng-dŭng gì Enfield kăi-sṳ̄ sāi sié-gái tàu gá cê̤ṳ-dông gó̤i-uòng-gĭ (ATM).
- 1970 nièng: Dṳ̆ng-guók gì hŏk-hâiu kăi-sṳ̄ siŭ Gĕ̤ng-nùng-bĭng hŏk-sĕng.
- 1976 nièng: Ī-sáik-liĕk dĕk-gĕ̤ng cū-cék Mossad huák-dông Entebbe Hèng-dông(dù), ciŏng ké̤ṳk Gái-huóng Palestine Ìng-mìng Dêng-siáng bōng-gá gì nè̤ng téng Air France gì hĭ-gĭ gà̤-dēng giú chók lì.
- 1914 nièng: Sarajevo Sê̤ṳ-giông: Ó̤-Hṳ̆ng Dá̤-guók gì tái-cṳ̄ Franz Ferdinand găk Sarajevo ké̤ṳk Serbia nè̤ng Gavrilo Princip áng-sák(dù).
- 1919 nièng: Hiĕk-iók-guók gâe̤ng Dùng-mèng-guók găk Huák-guók Bă-là̤ gì Versailles Gṳ̆ng chiĕng-dêng Versailles Dèu-iók, Dâ̤-ék-ché̤ṳ Sié-gái Dâi-ciéng giék-sók.
- 1956 nièng: Pŏ̤-làng Poznań gì gĕ̤ng-ìng ĭng-ôi gĕ̤ng-cáuk kuàng-gīng mâ̤ hō̤ huák-dông káung-ngiê, ké̤ṳk buô-dôi gâe̤ng gīng-chák déng-ák.
- 1969 nièng: Mī-guók Niū-iók gīng-chák chṳ̆ng diē Stonewall Ciū-bă giēng-chă, sêu gáu diē-sié gì dùng-séng-liông gì huāng-káung. Ciā dâi-gié dó̤i ciòng-sié-gái cĕng-chṳ̄ LGBT guòng-lé ông-dông īng-hiōng cêng duâi.
- 1880 nièng: Tahiti ciáng-sék biéng-siàng Huák-guók gì sĭk-mìng-dê.
- 1976 nièng: Seychelles téng Ĭng-guók dŭk-lĭk.
- 1995 nièng: Hàng-guók Seoul gì Sampoong Báh-huó làu ták--kó̤, sĕng--kó̤ 502 nè̤ng, siŏng 937 nè̤ng.
- 2007 nièng: Mī-guók Bìng-guō Gŭng-sĭ có̤ gì tàu siŏh dâi iPhone chiū-gĭ ciáng-sék kăi-sṳ̄ mâ.
- 1894 nièng: Ĭng-guók Lùng-dŭng gì Ták-giò ciáng-sék kăi-sṳ̄ sāi.
- 1905 nièng: Albert Einstein găk ĭ siā gì lâung-ùng Lâung Dông-tā̤ gì Diêng-dông Lĭk-hŏk diē-sié tàu huòi tì-chók Dĕk-sṳ̀ Siŏng-dó̤i-lâung.
- 1908 nièng: Ngò̤-lò̤-sṳ̆ Podkamennaya Tunguska Ò̤ hô-gê̤ṳng huák-sĕng duâi báuk-cá(dù), gáu gĭng-dáng gó mâ̤ hiēu ká̤-diê â̤ báuk-cá.
- 1936 nièng: Mī-guók cáuk-gă Margaret Mitchell siā gì siēu-siók Gone with the Wind chók-bēng.